- Ajornerpaamik pisoqarnissaanut piareersimanissaq pingaaruteqarpoq. Lars Borris Pedersen, ilaqutariit generatoriat iluaqutigalugu arfininngornermi innaallagiaaruttoqarnerani aniguisoq, oqarpoq.
- Ajoqutaasinnaasut tamarmik ajoquteqalertarnerat ilikkarsimavarput, taamaattumik 2021-mi sivisuumik innaallagiaaruteqqareernitta kingorna generatori ukiuunerani umiatsiamit angerlaattarpara, umiatsiarmi qaqeqqammat, Lars Borris Pedersen oqarpoq.
- Ajornerpaamik pisoqarnissaanut piareersimanissaq pingaaruteqarpoq. Lars Borris Pedersen, ilaqutariit generatoriat iluaqutigalugu arfininngornermi innaallagiaaruttoqarnerani aniguisoq, oqarpoq.
- Ajoqutaasinnaasut tamarmik ajoquteqalertarnerat ilikkarsimavarput, taamaattumik 2021-mi sivisuumik innaallagiaaruteqqareernitta kingorna generatori ukiuunerani umiatsiamit angerlaattarpara, umiatsiarmi qaqeqqammat, Lars Borris Pedersen oqarpoq.
- Generatori piffissaq eqqorlugu atorluarpoq. Arfininngornermi ullaap tungaani innaallagiaarummat containerimut aaginnariaavoq aneerasaartarfimmullu ilillugu – ledningilu matukkut aqquserlugu. Kiassaammut kissartumik supoortumut atorpoq, taamaalillutalu qiianngilagut. Arfininngornermimi issittumi ini nillertipallassimassagaluarpoq.
Allat taama iluatsitsitiginngillat.
- Piffissap ilaani biilerpunga - biilerpassuaqarpoq. Ilimagaara inissiani nillermat biilini kissassimaartoqarsimassasoq. Taamaammat inuit biileqattaarput kissassimaarniarlutik. Aamma orsersortarfinnut innaallagiaarussimanngitsunut tulleriiaanik ulikkaarpoq.
Qangatut oqaluuttut
Kiassaatip kialaartitsinerani Lars Borris Pedersenip ilaquttani alianaarsaaqatigai.
- Meeqqat pisoq naammagittarfigivallaanngilaat. Internetti maqaasivaat, kisianni oqaluuterusaarpugut pinnguaatinillu aliikkusersungaatsiarluta. Soorlu qanga pisarnitsitut. Ajoriinnagassaanngilaq sivisunngitsumik aqqusaarlugu.
- Aamma aneerasaartarfimmi grillerivik innaallagianeqqittoqanngitsuussagaluarpat atorneqarnissaminut piareeqqavoq.
- Suut tamaasa aqussinnaanngikkivut Nuummi pisut eqqaasitsissutigaat — suummi tamarmik ajutoorsinnaammata. Taamaammat ajornerpaamik pisoqarnissaanut piareersimanissaq pingaaruteqarpoq, Lars Borris Pedersen oqarpoq.
Pitsanngorsaasoq
Innaallagiaaruteqqittoqarnissaanut amigaatit suuneri arfininngormat aamma allattorpai.
- Naqqup ataani imermut dunkiuteqarnissaq pitsaassaqaat. Tassanngaanniit imigassaqarlutalu, tiitugassaqarlutalu kaffisugassaqassagaluarpugut. Aamma anartarfiup kuutsinnissaanut imissaqassalluta. Aamma ikumasartumik Jetboilerimik peqarnissaq pitsaassaqaaq, taamaalilluni imeq apulluunniit sukkasuumik kissanneqarsinnaassagaluarpoq. Imeqartinnagu aputeqartillugu atorluarneqarsinnaassammat, Lars Borris Pedersen oqarpoq.
