Dronenik misiliineq siulleq Kangerlussuarmi suliffeqarfimmik namminersortumit peqqammerpoq. Dronenik sanaartortup sapaatip-akunnerata naanerani uani misilippaa, dronelu immap qaavanit 500 meterisut qutsitsigisumi misilerarneqarpoq. Issittumi misileraaneq imaluunniit ukiukkut misileraaneq -20 aamma -30 gradit akornanni issitsigisumi pivoq.
Misiliinerup inernera suliffeqarfiup nammineq tamanut saqqummiutissavaa, paasisalli naapertorlugit misiliineq ilimagisamit pitsaaneruvoq. Silap issinnera allanngorannginnerata misiliinerup ingerlalluarneranik kinguneqarpoq, tamannalu siunissamut isumalluartitsilluni.
Dronenik misiliineq siulleq Kangerlussuarmi suliffeqarfimmik namminersortumit peqqammerpoq. Dronenik sanaartortup sapaatip-akunnerata naanerani uani misilippaa, dronelu immap qaavanit 500 meterisut qutsitsigisumi misilerarneqarpoq. Issittumi misileraaneq imaluunniit ukiukkut misileraaneq -20 aamma -30 gradit akornanni issitsigisumi pivoq.
Misiliinerup inernera suliffeqarfiup nammineq tamanut saqqummiutissavaa, paasisalli naapertorlugit misiliineq ilimagisamit pitsaaneruvoq. Silap issinnera allanngorannginnerata misiliinerup ingerlalluarneranik kinguneqarpoq, tamannalu siunissamut isumalluartitsilluni.
DTU-p suleqataasalu arlallit Akuliarusersuup kuuani dronet siornatigut misilerartarsimagaat Laust Løgstrup Qeqqata Kommunianeersoq oqarpoq.
– Maannali siullerpaamik 100 meterit sinnerlugit qutsitsigisumi misiliisoqarpoq, tamannalu taamaallaat immikkut akuersissuteqarnikkut pisinnaavoq. Arctic Unmannedip kommunillu misileraaffissamik pilersitsinerisa tamanna ajornarunnaarsippaa.
Alloriarneq pingaarutilik
– Ineriartornermi alloriarneruvoq pingaarutilik, Mads Petersen Arctic Unmannedimeersoq Sermitsiaq.AG-mut allakkatigut akissuteqarpoq. Dronemik kikkut sanasuunersut ilisimatitsissutiginngilai. Eqqaaneqareersututut suliffeqarfiup nammineq misiliinermi inernerit saqqummiunniarpai.
- Suliffeqarfiup pineqartup silaannarput periarfissaqarluartutut isigaa ajunngitsutut oqaatigineqarsinnaavoq, pinngortitarmi sunnerneqarsimananilu timmisartuussinernik akornusersorneqanngilaq, Mads Petersen oqarpoq.
Akuliarusersuup kuuani Sermersuup aqqutaani najugaqarfigineqanngitsumi sermersuaq, nuna, tatsit kuuillu qulaallugit akornusersorneqarani misileraasinnaaneq upernaaq manna akuersissutigineqarpoq.
Sumiiffiup misileraaffigineqarsinnaasup suli annerulersinnaanera pillugu oqartussat attaveqarfigineqareersut Mads Petersen oqaluttuarpoq.
- Sullitatta ilaat 50 kilometerisut ungasitsigisumiittunut takusinnaanngisaminnut misileraarusunnerat pissutigalugu saaffiginnippugut.
Mads Petersen sullitaminut misileraaneq siulleq pillugu tuluttut allappoq: "Nuannaarutigalugu nalunaarutigissavara droninik misileraavik atuisutta pisariaqartitaanik matussusiinissamik tamakkiisumik atortoqalermat. Timmisartunit inuttaqartunit akornusersorneqarani droninik misileraasoqarsinnaavoq, tamannalu ataavartumik misileraasinnaanermik periarfissiivoq".
