Maniitsup kangiani nuna sajuttoq
Ataasinngormat ullaakkut Maniitsup kangiani nuna sajuppoq.
Ataasinngormat ullaaralaakkut nuna sajummat Maniitsumi sajunneq malugineqarpoq.
Assiliisoq: Sermitsiaq
Maniitsumi innuttaasut arlallit ataasinngormat ullaakkut sajuttoqarneranik malugisaqarsimapput.
Maniitsup eqqaani nuna sajussimasoq, Danmarkimi Kalaallit Nunaannilu nunap qanoq issusianik misissuiffiup (GEUS-ip) uppernarsarpaa:
- Ullaaq manna Maniitsup kangisissortaani 23 kilometerisut ungasitsigisumi nal. 06.36 nuna sajuppoq, Richterip uuttuutaani 3,6-mik sakkortussuseqarluni, GEUS-imi ph.d.-iusoq seismologilu Peter H. Voss allakkatigut akivoq.
Taama sakkortutigisumik nunap sajoqqinnissaanut ukiut arlallit ingerlasinnaasut, tamannali qaqutigoortuunngitsoq, seismologi nangilluni oqarpoq:
- Assersuutigalugu 2018-imi nuna sajuppoq richterip uuttuutaa naapertorlugu 4,9-mik sakkortussuseqarluni, tamannalu aamma Maniitsumi malugineqarsinnaasimavoq, Peter H. Voss allappoq.
Kangerlussuarmi sajussiiviup nunap sajunneranik uuttortaaneranik seismogrammi ataaniittoq GEUS-ip nassiuppaa:
