Maqaasineqartut pingasut ujaarineqarnerat unitsinneqarpoq

Qeqertarsuup Tunuani inuit pingasut maqaasineqartut ujaarineqarnerat unitsinneqartoq Issittumi Sakkutooqarfik nalunaarpoq.

Issittumi Sakkutooqarfik Facebookimi ima allappoq:

- Qeqertarsuup tunuani inunnik pingasunik maqaasineqartunik ujaasineq aamma annaassiniarneq ullumi pingasunngorneq nal. 10:30 unitsinneqarpoq.

- Ajoraluartumik maqaasineqartut pingasut nassaarineqanngillat, paasissutissiissutigineqarpoq.

Inuit pingasut taakku maqaasineqartut sapaatiummat nalunaarutigineqarput, tamatumalu kingorna ujaasineq aallartinneqarluni.

Umiatsiaq Poca, maqaasineqartunut umiatsiaritinneqartoq, ataasinngormat nassaarineqarpoq, ajoraluartumilli inuttaqarani.

Issittumi Sakkutooqarfik ilisimatitsivoq politiit suleqatigalugit ujaarlerfimmi qulimiguulik Seahawk aamma timmisartoq Challenger atorlugu ujaarlersimapput. Qulimiguulik timmisartorlu ujaasinermi FLIR (fremadrettet infrarød) atortoralugu ujaasinermi sulisimapput.