Meeqqat Parisimi isumaqatigiissut pillugu: Aallarniutaavoq
14-inik ukiulik Nicklas Kalaallit Nunaata Parisimi isumaqatigiissummut ilanngunnerani atsioqatigiinnermi oqalugiartut ullumi ilagaat. - Nunarput Parisimi isumaqatigiissutip ilanngunnera pingaarutilimmik alloriarneruvoq,
kisiannili aallarniissutaannaalluni, Nicklas oqalugiarnermini ilaatigut oqarpoq.
14-inik ukiulik Nicklas Parisimi isumaqatigiissummut atsioqatigiinnerup kingorna. Taassuma aalajangiisartut nersualaarpai Kalaallit Nunaata meerartai sinnerlugit eqqortumik aalajangiimmata, eqqaasitsillunili suli suliassaqartoq.
Unicef Kalaallit Nunaat
Parisimi isumaqatigiissummut, Kalaallit Nunaata CO2-mik aniatitsinermik annikillisinnissaanut avatangiisinullu piujuartitsinissamik pisussaaffiliisumut, ilanngunneq pingaaruteqarpoq, aammali alloriarneruvoq eqqortoq. Tamannali naammanngilaq, Kalaallit Nunaata Parisimi isumaqatigiissummut ilanngunneranik atsioqatigiinnermi oqalugiartut inuusunnersaat eqqaasitsivoq.
- Nunarput Parisimi isumaqatigiissummut ilanngunnera pingaarutilimmik alloriarneruvoq, aallarniutaannaavorli. Tamattalu suleqatigiilluta, oqaloqatigiilluta iliuuseqaqatigiillutalu siunissaq piujuartitsisoq isumannaatsorlu angusinnaavarput, 14-inik ukiulik Nicklas politikkerinut aalajangiisartunullu, Naalagaaffiit Peqatigiit silap pissusaa pillugu allattoqarfimmit Simon Steillimit peqataaffigineqartumut, oqalugiarnermini ilaatigut oqarpoq.
Siunnersuutit
Nicklas Nasuusamut ilaavoq. Nakuusami ilaasortat silap pissusaa piujuartitsinerlu pillugit oqallipput, tassanilu 2022-mi politikerinut aalajangiisartunullu siunnersuuteqarpassuaqarput.
Makkuupput:
Nalliuttorsiornermi peqataasut Nakuusap 2022-mi meeqqat pillugit ataatsimeersuarnermi inassuteqaataanik eqqaasinniarlugit Nicklasip aalajangersimavaa:
- Ullumi alloriarneq pingaarutilik malunnartinniarlugu katersuuppugut. Kalaallit Nunaat Parisimi isumaqatigiissutaanut ilanngunnerata atatillugu uagutsinnut neriuutinik tunisivoq, aammattaaq nunatta ilanngunnera ersersipppaa nipigut tusaaneqartut suliniutigullu iluaqutaasut. Asasakka Naalakkersuisut, asasakka inersimasut, asasakka meeqqat inuusuttullu – silap pissusaata allanngoriartornernut iliuuseqarta? Ullumikkut katersuussimavugut upperalutigu siunissaq pitsaasoq pilersikkumallugu, oqarpoq.
