Minik Rosing GEUS-imi siulersuisuni siulittaasutut tunuarpoq
Professori Minik Rosing ilisimaneqarluartoq Danmarkimi Kalaallit Nunaannilu nunap qanoq issusianik misissuiffiup (GEUS) siulersuisuini siulittaasutut tunuarpoq.
Minik Rosing GEUS-ip siulersuisuini ukiumi nutaamiit ilaasortaajunnaassaaq.
Assiliisoq: Walter Turnowsky
Silap pissusianut, nukissiornermut pilersuinermullu ministerip GEUS-imi siulersuisut nutaat toqqarpai, Katrine Krogh Andersenilu siulittaasunngortillugu. Taanna KR Foundationimi aamma siulittaasuuvoq.
Naalakkersuisut siulersuisunut marlunnik innersuussipput, aappaali kisimi qinerneqarpoq, tassa Asiami pisortaq Mette Skarregaard. Taanna GEUS-imi siulersuisuni ilaasortaareerpoq taamaalillunilu sivisunerusumik siulersuisuniittussanngorluni.
Siulersuisuni siulittaasunngorlaaq Katrine Krogh Andersen ima oqarpoq:
- GEUS-ip ilisimatusarnera nunarsuarmi unammilligassat pingaarutillit arlallit aaqqiiviginissaannut Danmarkip Kalaallit Nunaatalu peqataanissaannut aalajangiisuulluinnarpoq. Siulersuisut sinneri peqatigalugit GEUS-ip ilisimatusarneranut siunnersuisarneranullu tunngaviusumik periusissiamik ineriartortitsinissaq, taamaalilluta sammisat pingaarutillit soorlu CO2-mik nunap iluani toqqorsisarneq, nunap iluata kissassusaa, Kalaallit Nunaata sermersuata nakkutigineqarnera, silap pissusianut naleqqussarneq aamma aatsitassanik mingutsitsinngitsumik siunertaqarnermut tapertaasinnaasunik ujaasineq pillugit ilisimasat tunngaviusut ineriartortinnissaat qilanaareqaara.
Siulersuisut 2025-mi januaarip aallaqqaataani atuutilersut ima isikkoqarput:
- Siulittaasoq Katrine Krogh Andersen, Siulittaasoq Klimafonden KR Foundation
- Philip Loldrup Fosbøl, DTU-mi lektori.
- Morten Stage, CUPAH-mi pisortaaneq.
- Per Grønvald, Skanderborg Forsyningimi pisortaq.
- Bodil Lorentzen, Teknologisk Institutimi nunalerinermut digitaliseeriarnermullu pisortaq.
- Mette Skarregaard Pedersen, Asiami pisortaq.
- Christine Schøtt Hvidberg, Københavns Universitetimi professori.
- Christian Bjerrum, Københavns Universitetimi professori.
- Marit-Solveig Seidenkrantz, Aarhus Universitetimi professori.
Sulisut sinniisaat
- Charlotte Olsen, GEUS-imi laboratoriami sulisoq. Sulisut sinniisaat.
- Bodil Wesenberg Lauridsen, GEUS-imi ilisimatusartuuneq. Sulisut sinniisaat.
Ilaasortat toqqakkat
- Peter Christian Baggesgaard Hansen, Energistyrelsenimi pisortamut tullersorti.
- Isabelle Navarro Vinten, Miljøstyrelsenimi pisortamut tullersorti.