Aappariit misigisassarsiorlutik issittumi nunanilu
allani angalatuut 65-inik ukiulik Galya Morrel Sovjetunioniusimasumi nunap
inoqqaavinit tuttuutilinnit Kominit kingoqqisuusoq, aamma 69-inik ukiulik Ole
Jørgen Hammeken Nuumminngaanneersoq, TV-kkut piviusulersaarutinik arlariinnik
suliaqarnerminnut atatillugu ukiarmi aggustimi septembarimilu
Qeqertarsuarmiillutillu Kangerlummiittut Sermitsiamiik naapippagut.
Galya
Morrel aanamini aataminilu peroriartortoq inuusuttuulluni radiomi
tusagassiortutut sulitilluni inuit Chukotkameersut Yuppillu Siberiameersut
tuttunik qimminillu qimuttoqarlutik angalaqatigisarsimavai, taamaattumillu
inuunini tamaat nunap inoqqaavisa naqisimaneqartut atugaat pillugit
suliaqartarsimalluni.
Aappariit misigisassarsiorlutik issittumi nunanilu
allani angalatuut 65-inik ukiulik Galya Morrel Sovjetunioniusimasumi nunap
inoqqaavinit tuttuutilinnit Kominit kingoqqisuusoq, aamma 69-inik ukiulik Ole
Jørgen Hammeken Nuumminngaanneersoq, TV-kkut piviusulersaarutinik arlariinnik
suliaqarnerminnut atatillugu ukiarmi aggustimi septembarimilu
Qeqertarsuarmiillutillu Kangerlummiittut Sermitsiamiik naapippagut.
Galya
Morrel aanamini aataminilu peroriartortoq inuusuttuulluni radiomi
tusagassiortutut sulitilluni inuit Chukotkameersut Yuppillu Siberiameersut
tuttunik qimminillu qimuttoqarlutik angalaqatigisarsimavai, taamaattumillu
inuunini tamaat nunap inoqqaavisa naqisimaneqartut atugaat pillugit
suliaqartarsimalluni.
Ole Jørgen Hammeken inatsisilerituutut ilinniagaqartoq
issittumi angalatuujuvoq – issittumilu inuuneq pillugu piviusut
saqqummiunneqarnissaat aapparit pingaartitarilluinnarpaat.
Suliat arlallit
Aappariit allanik suleqateqarlutik
piviusulersaarutinik sisamanik maannakkut suliaqarput. Galya Morrelip oqarnera
naapertorlugu, inuiaqatigiit imaanit pissarititanit inooriaaseqartut pillugit
piviusulersaarutinik suliaqartarfik Ocean Geografic suleqatigalugu Svalbardimi,
Qeqertarsuarmi Kangerlummilu filmiliorlutik aappariit piffissami kingullermi
angalapput.
- Svalbardimi qaammatit pingasut missaat qaangiuttut
filmiliorluta aallartippugut, taassumalu kingorna Qeqertarsuarmi Kangerlummilu
innuttaasut qanimut naapillugit ulluinnarni inuunerat pillugu filmiliaraagut,
oqarpoq.
Taassuma saniatigut nipilersugassiarsuarnut issittumi
inuunermut tunngassuteqartunut marlunnut, tassa Symphony Arctica aamma The
Flights of the Angakok, Lera Auerbachimit suliarineqartunut suliaqarlutik
Qeqertarsuarmi filmiliorput.
- Ole Jørgen Hammekenip Lera Auerbach inuit issittumi
najugaqartut pillugit saqqummiiffiginikuuaa, taamaalilluni Symphony Arctica
inunnit taakkunannga isumassarsiarineqarpoq. Nipilersugassiami iluliarsuit
arferillu kisimik assitaliunneqartussaagaluarput, kingornali inuit Kalaallit
Nunaani issittumilu sumiiffinni allani najugaqartut ilanngunneqarput, Galya
Morrel oqarpoq.
- The Flights of the Angakok Maritha Hammekenimut
tunngatinneqarpoq. Lera Auerbachip Maritha Hammeken utoqqaat illuanni
naapippaa, taassumalu Kalaallit Nunaani inuuneq pillugu oqaluttuuppaa.
- Ole Jørgen Hammekenip Lera Auerbach erinniarsuup
taallartassaanik ikiorlugu 2024-mi aallartippaa, taannalu issittumi nunat
inoqqaavisa 26-t oqaasii atorlugit allataavoq, taakkunanngalu oqaatsit marluk
atorneerutereernikuullutik.
Piviusulersaarutit sisamaat aappariit
suleqataaffigisaat tassaapput Dream Benches (issiaartarfiit sinnattorfiusut).
Suliaq taanna Londonimi eqqumiitsuliortunit aallartinneqarpoq issiaartarfiillu
pingasut Qeqertarsuarmi, Europami New Yorkimilu ilaatinneqassasut Ole Jørgen
Hammeken oqarpoq. Issiaartarfinni taakkunani issiasut Qeqertarsuarmi inuit
oqaasii tusarnaarsinnaassavaat.
- Suliniaqatigiiffinnut aalajangersimasunut
pituttorsimanngilagut, kisianni suliaq ataaseq naammassigaangatsigu alla
aallartittarput, Ole Jørgen Hammeken oqarpoq.
Piviusoq saqqummiunneqartoq
Piffissami kingullermi nunarsuarmi sumiiffinni
assigiinngitsuni, soorlu USA-mi, Kalaallit Nunaat pillugu piviusuunngitsunik
saqqummiussuisarneq annertuumik takussaalersimasoq Galya Morrel oqarpoq.
- Taamaattumik erinarsorneq, qitinneq oqaluttuarnerlu
pillugit filmiliat atorlugit Kalaallit Nunaanni pissutsit piviusut
saqqummiunnissaat pingaartipparput.
- Suliagut ukiup naajatornerani naammassigutsigit
suleqatitsinnut tunniutissavagut. Erinniarsuaq siulleq novembarimi aappaalu
decembarimi saqqummiunneqassapput, Ocean Geografikkimullu suliarput Singaporemi
saqqummersinneqassaaq, oqarpoq.
Aappariit Danmarkimi New Yorkimilu najugaqarput.
Napparsimalersimasoq
Ole Jørgen Hammeken ukiup ataatsip matuma siornatigut
nappaassuarmik kræftimik napparsimasoq paasineqarpoq, tamannalu aappariinnut
suliarpassuaqartunut sunniuteqaraluartoq piffissaq Qeqertarsuarmiinnerat
aappariit inuunerannut nukittorsaasoq taakku oqaatigaat.
