Ilinniartup
kissaatigippagu misilitsittarfimmi oqalutseqarsinnaaneq ukiut 35-it
qaangiuttullu inatsisitigut pisinnaatitaaffiulerpoq.
Tassami maanna
ilisimatusartut kalaallisut oqaasillit danskisut misilitsinniarunik namminneq
oqaatsiminnik oqalunniassagamik oqalutseqarnissaminnik qinnuteqarsinnaanngorput.
Ilinniartup
kissaatigippagu misilitsittarfimmi oqalutseqarsinnaaneq ukiut 35-it
qaangiuttullu inatsisitigut pisinnaatitaaffiulerpoq.
Tassami maanna
ilisimatusartut kalaallisut oqaasillit danskisut misilitsinniarunik namminneq
oqaatsiminnik oqalunniassagamik oqalutseqarnissaminnik qinnuteqarsinnaanngorput.
Ilisimatusarfik
siorna junimiit misileraaniarluni aallartitsisuuvoq.
- Ilisimatusartut
ilaat misilitsinnerminni oqaatsitigut aporfeqartartut ilisimavarput,
pitsaanerusunillu periarfissikkusuppagut, ilinniartunik sullissivimmi pisortaq Rosa
Lynge Lorentzen AG-mut oqaluttuarpoq.
Inunnik
isumaginnittunngorniartut siulliullutik misilitsinnerminni oqalutseqarlutik
misiliisuupput, ilisimatitsivoq.
Maannamuugallartoq
ilisimatusartut 20-t misilitsinnerminni oqalutseqarnikuupput, taakkualu
saniatigut ilinniartut arfinillit ‘oqaatsitigut ikiorteqarnermik’ atuisimapput.
- Tassa
imaappoq, ilisimatusartoq unittooraangat danskisulluunniit oqaasertaanik
naluleraangat ikiuuttoqartarpoq, oqarpoq.
Rosa Lorentzen naapertorlugu
aaqqissuussaq ingerlalluarpoq, ilisimatusartullu toqqissisimanerulerput.
- Ilisimatusartut
periarfissinneqarnerminnut qujamasuttorujussuupput, oqaatsititigummi
aporfeqaratik nammineq oqaatsitik atorlugit misilitsissinnaalerput, Rosa
Lorentzen oqarpoq.
Maanna
Namminersorlutik Oqartussat misilitsittarnermut nalunaarutaani
allannguisoqarpoq, nangitsillunilu ilinniakkani ilisimatusartut
misilitsinnerminni kalaallisut oqalunnissaminnut qinnuteqarsinnaanerat aggustip
aallaqqaataaniit piumasaqaataalerpoq.
Tamannattaaq
ilisimatusartut kattuffianiit ILI ILI-miit, Kalaallit Nunaanni ilisimatusartut
kattuffituarisaanni, nuannaarutigineqarpoq.
- Nuannaarutigeqaarput,
ilisimatusartullu toqqissiallaatigissagaat qularnanngilaq, Mona Hansen, ILI
ILI-mi siulittaasoq oqaluttuarpoq.
Nammineq
misiginikuugaa
Mona Hansen
inuiaat kulturiat oqaluttuarisaanerallu pillugu ukiut pingajussaat
ilisimatusartuuvoq. Bacheloritut inaarutaasumik allaaserinnileruttorpoq. Oqaatsit
ilinniartitsinermi ilinniartut ilaannut ajornartorsiutaasinnaasut nammineq
misiginikuuaa.
- Ilinniartitsinermi
oqaatsit aporfiusarmata kalaallit nipangersimaannartartut misiginikuuara. Ilinniartulli
qujanartumik imminnut ikioqatigiilluartaramik imminnut oqalutsitut atortarput,
Mona Hansen oqaluttuarpoq.
Oqalutsip
ingerlatitsillaqqissuunissaa pingaaruteqartoq naqissuserpaa.
- Danskisut
kalaallisullu oqaatsit assigiinngitsorujussuupput, imminut ungasipput,
taamaammallu oqalutseqarnermi paatsoortoqannginnissaa siunertaralugu oqalutsip
pikkorissuunissaa pingaaruteqarpoq, oqarpoq itisiliillunilu:
- Assersuutigalugu
tuluttut oqaasilinnik ILI ILI-mi ilaasortaqarpoq, ataatsimiikkaangattalu
immitsinnut paasiniarluta piffissarujussuaq atorsinnaasarparput. Takorloorsinnaavara
misilitsinnermi qanoq issinnaanersoq.
