Kangerlussuaq, nunanit tamalaanit timmisartuussinernut qitiusimasoq mittarfimmilu sulisut innuttaasunullu katersuuffiusoq, maanna inuppassuarnit qimanneqalerpoq.
Kangerlussuaq, nunanit tamalanaanit timmisartoqarfiusoq Nuummi mittarfik nutaaq novembarip ulluisa 28-anni nunanut tamalaanut mittarfinngorluni pisortatigoortumik ammarneqarpat atornikillissaaq.
Kangerlussuaq, nunanit tamalaanit timmisartuussinernut qitiusimasoq mittarfimmilu sulisut innuttaasunullu katersuuffiusoq, maanna inuppassuarnit qimanneqalerpoq.
Kangerlussuaq, nunanit tamalanaanit timmisartoqarfiusoq Nuummi mittarfik nutaaq novembarip ulluisa 28-anni nunanut tamalaanut mittarfinngorluni pisortatigoortumik ammarneqarpat atornikillissaaq.
Illut 40-ut tungaanut imaajarneqartut
Usisaat aamma Flyttefirma J. A. Jørgensen ApS Sermitsiamut uppernarsarpaat Kangerlussuarmi maannakkorpiaq illut 40-ut tungaanut amerlatigisut imaajarneqarlutik poortuiffigineqaleruttortut, umiarsuaq Kangerlussuarmut ukioq manna naggataamik novembarip 13-ani tikittussaq angumeriniarlugu.
Kangerlussuarmi sulisitsisut annersaasa ilaat tassaavoq Air Greenland, taannalu Sermitsiamut ilisimatitsivoq nassiussassanik ilassuteqarnissamik RAL-imik isumaqatigiissuteqartoqarsimasoq:
- Uppernarsarsinnaavara Air Greenland Greenland Airport suleqatigalugu Kangerlussuarmiit nassiussanik immikkut angallassinissamik RAL-imik isumaqatigiissuteqartoq, Air Greenland allappoq.
Nunatta Naatsorsueqqissaartarfiata kisitsisaatai naapertorlugit Kangerlussuarmi illoqutigiit ukioq manna 244-uupput.
Nuummut Ilulissanullu nutsertut
Kangerlussuarmi Air Greenlandimi atorfeqartut Ilulissanut Nuummulluunniit nuussapput.
- Taakkua amerlanersaat Air Greenlandimi Nuummiittumi sulinerminnik ingerlatseqqikkusupput, ilaat Ilulissani mittarfik ammarpat nuussallutik. Tamanna nuannaarutigeqaarput ukiorpassuarni ilumoorfiginnittut sulisuugamik. Maannakkut angerlarsimaffimminni pisattatik poortorpaat, Kangerlussuup kangerlua suli angallavigineqarsinnaatillugu, Air Greenland ilisimatitsivoq.
Air Greenlandimi Kangerlussuarmi sulisut qanoq amerlatigisut Kangerlussuarmit nuuttussanngornersut Sermitsiaq apeqqutigigaluarpaa. Tamannali Air Greenlandip iserfigerusunngilaa.
- Air Greenlandimut pingaaruteqarpoq Kangerlussuarmi Air Greenlandimi sulisut ataasiakkaat mianerineqarnissaat, taakkumi ilarpassui Kangerlussuarmi ukiorpassuarni inuuneqarsimagamik, maannalu najugaqarfissaminnit avatangiisiminnillu sungiusimasaminnit allaanerusumik siunissaqalerput, Air Greenland allappoq imalu naggasiivoq:
- Mittarfimmi sulisutta nutsertinneqarnerat pingaartinneqartorujussuuvoq, taamaattumik inuit pineqartut mianerineruagut oqaaseqarnisamit.
