Naalakkersuisut piiaanissamut akuersissummik pingasunngornermi atsiussasut

Ingerlatseqatigiiffik Greenland Anorthosite Mining A/S Qeqertarsuatsiaat eqqaanni anorthositimik ukiuni arlalinni piiaanissamut akuersissummik pissarsinissamut qilanaarsinnaavoq.

Greenland Anorthosite Mining A/S-ip piiaanissamut akuersissummik pissarsinissani qilanaarisinnaavaa.

Assi: Greenland Anorthosite

KASSAALUK KRISTENSEN KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 20. Maaji 2025 - 12:57

Annonse

AAMMA ATUARUK

Qeqertarsuatsiaat eqqaanni anorthositimik piiaanissamut pilersaarut tusarniaassutigineqartoq

Naalakkersuisut isumaqatigiissummik aqagu pingasunngornermi maajip 21-anni nalunaaqutaq 15.00 atsioqatigiinnissamut qaaqqusipput.

Ingerlatseqatigiiffik Greenland Anorthosite Mining A/S Qeqertarsuatsiaat avannaata kangiani anorthositimik piiaanissamut akuersissummik tunineqassasoq Naalakkersuisut maajip arfineq-pingajuanni akuersissutigaat.

Aatsitassanut naalakkersuisoq Naaja Nathanielsen (IA) aamma suliffeqarfiup pisortaanera Claus Stoltenberg pingasunngornermi atsioqatigiinnermi peqataassapput.

Greenland Anorthosite Mining A/S-ip ukiumut 800.000 tonsit anorthositi piiartarnissaat pilersaarutigaa, pilersaarutillu taakku avatangiisinut inuiaqatigiinnullu sunniutigisinnaasaannut nalilersuineq ukiup matuma aallartinnerani tusarniaassutigineqarput.

Sermitsiap atsioqatigiinneq soorunami malinnaaffigissavaa.