Naleqqamiit ilaasortap taarserneqarnera Inatsisartuni akuerineqartoq
Naleqqami politikkeri Qupanuk Olsen Inatsisartuni sulinngiffeqarnissamik qinnuteqarnera akuerineqarpoq, Isak Johannesenilu sinniisussatut iserluni.
Inatsisartut siulittaasuata Kim Kielsenip sisamanngormat ataatsimiinnermi isumaqatigiinniarnissaq sioqqullugu allannguutit pillugit paasissutissiivoq. Assi Inatsisartut inissititernerannit assilisaavoq.
Assi: Oscar Scott Carl
Inatsisartut siulittaasuata Kim Kielsenip (S) Isak Johannesen (N) Inatsisartunut ilaasortaagallartussatut sisamanngormat ullaap tungaani tikilluaqquaa. Sinniisutut ilaasortanngornera oqaaseqarfigineqarani akuersissutigineqarpoq.
Isak Johannesen parteeqatiminut Qupanuk Olsenimut Sisimiuni ilinniarfimmi KTI-mi pisortanngortumut paarlattaalerpoq.
Qupanuk Olsenip ukiup sinneranut sulinngiffeqarsinnaanera akuerineqarpoq, Kim Kielsen paasissutissiivoq.
Johannesen Inatsisartut ataatsimiinnerisa aallartinneraniit Naleqqami ilaasortanngortut aappaaraat. Hans Enoksenip toqukkut qimagunnerata kingorna Juno Berthelsen aamma ilaasortanngorpoq.
