Nalunaarutiginninneq: Summit Stationip eqqaani nanoq
Sermersuarmi Summit Stationimiit nanoq pillugu politiit kalerrinneqarput.
Politiit Summit Stationimit arfininngornermi nalunaarfigineqarput.
Assiliisoq: Leiff Josefsen
Politiit ilisimatusarfimmi
Sermersuarmiittumit Summit Stationimiit nalunaarfigineqartarnerat
qaqutigoorpoq.
Ilisimatusarfimmi sulisut
nannup qanilliartornera politiinut nalunaarutigimmassuk
arfininngormat taama pisoqarpoq.
Politiinit Jeppe Andsager
taama paasissutissiivoq.
Nanorli
ilisimatusarfimmiit 600 meterisut ungasitsigaluni sanioqquppoq:
- Sulisut
navianartorsiunngillat. Ilisimatusarfimmi isumannaatsumiipput,
oqarpoq.
Tyskeq ilisimatusartoq
juulip naalernerani taama iluatsitsitiginngilaq. Taanna Tunumi
nannumit saassunneqarpoq. Angut taanna Mestersvigip eqqaani tyskit
ilisimatusartut ilagaat, kingornalu Islandimut
napparsimaviliaanneqarpoq.
