Nammineerluni nalunaarsuinissamut piffissanngorpoq - akiligassinneqarusunngikkaanni
Kingusinnerpaamik maajip aallaqqaataani nammineerluni akileraarutinik nalunaarsuiffik misissorluarneqartariaqarpoq, amigaateqarpat imaluunniit paasissutissat kukkusut naqqitassat iluarseriarlugit uppernarsaammik akileraaruseriffimmut utertitsisoqassaaq.
Isertitaqartut tamarmik pisussaaffeqarput nammineerluni nalunaarsuinermik tunniussissallutik. Maanna sullissivik aqqutigalugu imaluunniit pappiararsorluni naatsorsuutinik nalunaarsuiffissat misissornissaat piffissanngorpoq.
Inuttut 200 koruuninik 2.000 koruunilluunniit akornanni akiligassinneqarusunngilatit? Imaluunniit nammineq inuussutissarsiutilittut 200 koruunit 5.000 koruunillu akornanni akiligassinneqarusunngilatit? Taava eqqaamassavat naatsorsuutitit 1. maj 2024 sioqqullugu misissussallugit akuerisatillu akileraaruseriffimmut utertissallugit.
Immersugassaq Akileraartarnermut Aqutsisoqarfimmit naqitaareerluni nassiunneqartarpoq, tassani allaqqasarput paasissutissat assersuutigalugu illit sulisitsisunnit aningaaserivinniillu nassiunneqarsimasut.
Akileraartarnermut aqutsisoqarfik SULLISSIVIK aqqutigalugu imatut nassuiaateqarpoq:
Nammineerlutit nalunaarsuiffinnut periutsit pingasut atorlugit naqqiissuteqarsinnaavutit:
- Attaveqaatitigoortumik MitID atorlugu Imminut sullinnikkut.
- Attaveqaatitigoortumik MitID atornagu Akileraartarnermut Aqutsisoqarfiup nittartagaatigut aka.gl -ikkut.
- Allakkatigut, nammineerlutit nalunaarsuiffiit iluarsisaq allakkerivikkut Akileraartarnermut Aqutsisoqarfimmut nassiunneratigut.
Eqqaamassavat aningaaserivinni Nemkonto-qassagavit, taamaalillutit akileraarpallaarsimanermi utertoorutissanik pissaqassaguit 31. august 2024 kingusinnerpaamik tigunissaaanut qulakkiissavat, pisortanut akiitsoqanngikkuit. Pisortanut akiitsoqaruit akiitsutit utertooruteqannginninni akiliutitut atorneqassapput, tamatumalu kingorna akiliuteqarsimaneq pillugu allagarsitinneqassaatit.
