KL

DK

Namminersorluni inuussutissarsiortup persutaanera nunatta eqqartuussivianut ingerlateqqinneqassanngitsoq

Unnerluusissussaatitaasup Bent Friis-Sallingi, marlunngornermi imerniartarfimmi persutaanermut mianersoqqussummik tunineqartup, sakkortunerusumik eqqartuunneqarnissaa neriuutigisimagaluarpaa. Suliarli Nunatta Eqqartuussivianut suliassanngorteqqinneqassanngitsoq, unnerluussusissaatitaasoq sivikitsumik eqqarsareerluni paasissutissiivoq.

Maanna persutaanermik suliaq eqqartorneqartoq, marlunngornermi Nuummi suliarineqartoq naammassivoq.
Morten Okkels Morten Okkels Tusagassiortoq
Saqqummersinneqarpoq

Marlunngormat Bent Friis-Sallingip Nuummi imerniartarfimmi Daddysimi angummik isaatigut toorsisimanerminik nassuernerata kingorna, Sermersuumi Eqqartuussiviup sakkukinnerpaamik pineqaatissippaa.

Bent Friis-Salling, Polar Seafoodimi pisortatut piginneqataasutullu ilisimaneqartoq mianersoqqussummik tunineqarpoq.

Unnerluussisussaatitaasup pinerloqqippat ulluni 30-ni pineqaatissinneqartunut inissiisarfimmiittussanngorlugu eqqartuunneqarnissaa piumasarigaluarpaa. Eqqartuussinerup kingorna unnerluussisussaatitaasup Kalaallit Nunaata Eqqartuussivianut ingerlatitseqqinnissaq pillugu eqqarsarnissamut piffissaqarumavoq.

Apeqqullu taanna pilertortumik aalajangiivigineqarpoq. Unnerluussisussaatitaasup suliap suliareqqinneqarnissaa piumasariniarnagu, maanna Sermitsiamut nalunaarutigaa. Bent Friis-Sallingip eqqartuunneqarnini akuerereerpaa, taamaalillunilu suliaq naammassivoq.

Marlunngornermi eqqartuussinermi suliap sivisuumik ingerlanneqarsimanera sakkukillisaataavoq. Pisoq pineqartoq 2021-mi imerniartarfimmi pivoq.

sermersooq eqqartuussisoqarfik inuussutissarsiornermut nunatta eqqartuussisuuneqarfia pinerluttulerineq polar seafood inuiaqatigiit

Atorfiit tamaasa takukkit

– Se alle jobs

Powered by Labrador CMS