Namminiilivinnissaq, pingaartumik qanoq sukkatigisumik, politikkikkut oqaluuserineqartuarpoq. Tamannalu Donald Trumpip Kalaallit Nunaannut soqutiginninnera oqariartuuteqartarneralu pissutigalugit oqaluuserineqarnera minnerulinngilaq.
Sermitsiap Berlingskellu isumasiuineranni nutaami namminiilivinnissamik kissaateqarneq tamatumunngalu piumasaqaatit sukumiinerusumik apeqqutigineqarput.
Namminiilivinnissaq, pingaartumik qanoq sukkatigisumik, politikkikkut oqaluuserineqartuarpoq. Tamannalu Donald Trumpip Kalaallit Nunaannut soqutiginninnera oqariartuuteqartarneralu pissutigalugit oqaluuserineqarnera minnerulinngilaq.
Sermitsiap Berlingskellu isumasiuineranni nutaami namminiilivinnissamik kissaateqarneq tamatumunngalu piumasaqaatit sukumiinerusumik apeqqutigineqarput.
Isumasiuinermi amerlanerit inuuniarnermi atukkanik ajornerulersitsissanngippat ukiut qulit 20-llu akornanni namminiilivissimanissaq kissaatigigaat.
Taasititsisoqarpat amerlanerit angerniartut
Isumasiuinerup inernera siornatigut isumasiuinermut naapertuuttoq Danmarkimi nunanut allanut tunngasunut misissuisoqarfik (DIIS-imi) ilisimatusartuuneq Ulrik Pram Gad Sermitsiamut oqarpoq:
– Siornatigut isumasiuinermit paasineqartut tunngaviusumik suli taamaattut erserpoq, kisianni soorunami assigiinngissuteqarpoq. Assersuutigalugu maannakkut isumasiuinermi namminiilivinnissaq pillugu taasisitsinissaq amerlanerit akuerissagaluarpaat.
Innuttaasut amerlanerussuteqartut namminiilivinnissaq taasissutigineqassappat amerlanerussuteqartut taperseraat uani takuneqarsinnnaavoq.
Grafik: Verianip Berlingske Sermitsiarlu sinnerlugit isumasiuineranit
- Amerlanerussuteqartulli ukiut qulit 20-llu akornanni namminiilivinnissaq aatsaat piviusunngorumaartoq isumaqarput, Ulrik Pram Gad oqarpoq, nangillunilu:
- Tamanna Danmarkimi paatsoortoqarneranut takussutissaavoq, tassa Kalaallit Nunaanni namminiilivinnissaq innuttaasunillu taasititsinissaq kissaatigineqarpat imaappoq aqagu avissaartoqassasoq. Kalaallilli akornanni oqallinnermi taamaanngilaq, Ulrik Pram Gad oqarpoq.
Kisitsit erseqqaripput
Qineq pillugu ilisimatusartup Københavnillu Universitetiani politikkimik professorip Kasper Møller Hansenip isumasiuinerup inernera aamma takuaa, Berlingskemullu inernerit ersarilluinnartut oqaatigaa:
Namminiilivinnissaq inuuniarnermi atukkanut ajortumik sunniuteqassanngippat 45 procentit kissaatigaat.
Grafik: Verianip Berlingske Sermitsiarlu sinnerlugit isumasiuineranit
- Kisitsisit ersarilluinnarput, kalaallit namminiilivikkusupput.
- Assersuutigalugu Amerikami tusagassiuutit oqariartuutigisaattut taama sukkatigisumik namminiilivikkusunngillat. Namminiilivikkusuppulli, amerlanersaalli aatsaat inuuniarnermikkut atukkatik taamaaginnassappata tamanna angorusuppaat, Kasper Møller Hansen oqarpoq.
