Nanut alapernaatsut qaasuttulluunniit aasaq manna allaaserineqaqattaarput: Nunavummi angut nanunit marlunnit toqunneqarpoq, politikerit Svalbardimi »nanoqarfimmik« 300 meterinik takitigisumik pilersitsiniarput, Tyskalndimilu ilisimatuut Kalaallit Nunaanni paasisassarsiussagaangamik nannunik ulorianartorsiornissap pinaveersaarnissaanik sungiusarneqartarput.
Ilisimatuut Tysklandimeersut sungiusarneqarnerat ilisimatuup Tysklandimeersup Traillip qeqertaani juulip naanerani saassunneqarnera pissutaavoq. Taanna Islandimi napparsimmaviliaanneqarpoq.
Nanut alapernaatsut qaasuttulluunniit aasaq manna allaaserineqaqattaarput: Nunavummi angut nanunit marlunnit toqunneqarpoq, politikerit Svalbardimi »nanoqarfimmik« 300 meterinik takitigisumik pilersitsiniarput, Tyskalndimilu ilisimatuut Kalaallit Nunaanni paasisassarsiussagaangamik nannunik ulorianartorsiornissap pinaveersaarnissaanik sungiusarneqartarput.
Ilisimatuut Tysklandimeersut sungiusarneqarnerat ilisimatuup Tysklandimeersup Traillip qeqertaani juulip naanerani saassunneqarnera pissutaavoq. Taanna Islandimi napparsimmaviliaanneqarpoq.
Ulorianartorsiornerpassuit – ilaannikkut ulorianangaatsiartartut – »Issittup kunngiata« inuussutissani uiguleriiaanni kiisortuni qallersaaneranik tamanut eqqaasitsipput.
Tysklandimi Bremerhavenimi Alfred Wegenerip Issittumi- Imarsiornermilu ilisimatusarfiani (AWI) suleqatimik tyskiusup saassunneqarnera pillugu paasissutissat amerlanerusut utaqqineqarput.
- Assersuutigalugu sooq kisimiissimanersoq. Ilisimatusartut imminnut paarisinnaaniassagamik minnerpaamik marluusassasut ilisimatusarfitsinni piumasaqaataavoq. Nanunik nakkutilliisutut taaneqartartoq, isumannaallisaanermut akisussaasoq Dirk Mengedoht Bremerhavenimi nutaarsiassaqartitsivimmut Buten un Binnenimut oqarpoq.
»Sakkut ulorianartut «
Alfred Wegenerip ilisimatusarfiani ilisimatusartut ukiumut 120-it Issittumi paasisassarsiornissamut ilinniartinneqartarput. Aallaasersornissamut sungiusarneqartarlutillu nanut pissusaat pillugit ilinniartinneqartarput.
- Nanunik naapitsisarnerit amerliartorput, aamma ulorianartut. Silap allanngornera pissutigalugu nanoqarfiit milliartuinnarput. Nanulli sunilluunniit nerisuugamik nalimmassarsinnaapput. Taamaammat inunnut qanilligaluttuinnarlutillu nujuarunnaariartuinnassapput, Dirk Mengedoht oqaaseqarpoq.
Isumannaallisaanermut ilisimatooq naapertorlugu misissuiartortut sakkoqartartussaapput, minnerunngitsumillu eqqortumik atorsinnaasussaavaat. Soorunamilu aamma pisariaqartillugu imminnut illersorniarlutik taamaallaat aallaaqqusaapput.
- Naatsorsueqqissaarnerit naapertorlugit inuk aallaasiminik iluamik atuisinnaanngitsoq nanumiit ulorianarnerungaatsiarpoq, Mengedohtip tyskit nutaarsiassaqartitsivianut naqissuserpaa, nanumillu aallaasaqartoqarsimanngitsoq ilanngullugu oqaatigaa.
Nanumik assiliseqateqarneq
Takornariat ukiumut 60.000-init amerlanerusut nanunik takorusulluinnarlutik Norgep qeqertaanut Svalbardimukartarput. Tassanittaaq akulikitsumik ulorianartorsiortoqartarpoq.
Nanulli eqqissisimatinnerunissaat qulakkeerniarlugu inatsimmik nutaamik, ilaatigut kiisortunit angisuuniit minnerpaamik 300 meterik qanilleqqusaannginnermik piumasaqaatigilimmik, atuutilersitsisoqarniarpoq, soorluttaaq sumiiffinni aalajangersimasuni takornarianik niusinissamik inerteqquteqalissasoq.
Inatsit Svalbardimi najugaqartunit oqallisaaqaaq, tassami takornariat ikinnerusut tikittalernissaat takornarialerisut ernummatigaat. Politikerit ilaasa, inatsimmut angernissaminik eqqarsartup, assortorpaa, Norgemi nutaarsiassaqartitsivimmut NRK-mut ima oqarpoq:
- Nanumik takuneq, 300 meterinilluunniit ungasitsigigaluarpat, misigisaavoq puigunaatsoq. Kinaluunniit nanunik assiliseqateqarsinnaanissani naatsorsuutigalugu Svalbardimukarneq ajorpoq, oqarpoq.
Billedtekst: Svalbardimi »nanumik assiliseqateqartoqaqqusaajunnaarpoq« - Tysklandimilu ilisimatusartut nannunik Kalaallit Nunaanniittunik naapitsinissamik pinaveersaartitsinissamut sungiusarneqarput.
