Nanoq Nuup kujataani takuneqartoq
Nuup kujataani ataasinngormat ullaap tungaani nannumik takunnittoqarpoq. Innuttaasut qanillinaveersaaqqullugit politiit kaammattuipput.
TOQQORSIVIMMIT
TOQQORSIVIMMIT, Sermitsiaq
Nanoq Nuup kujataani ataasinngormat ullaap tungaani takuneqarsimavoq.
Kalaallit Nunaanni Politiit ataasinngornermi juulip 23-ani marlunnit nalunaarfigineqarput. Nanoq Nuup kujataani nunami takuneqarsimavoq.
Innuttaasut nannumit ungasilliaqqullugit Kalaallit Nunaanni Politiit kajumissaarpaat.
- Inuit nannumik takunnissimatillugit ungasillinissaannik kajumissaartarpavut, kajumissaarullu tamanna aamma maanna atuuppoq. Nanoq ungasillineqassaaq, ingammik imaanukarsimappat. Nanoq ujarneqassanngilaq, Kalaallit Nunaanni Politiini pigaartut pisortaat Anette Ostenfeldt Sermitsiamut oqarpoq.
Nannumik kingullermik Nuup kujataani Qeqertarsuatsiaat nalaani takuneqartumik tissiartaammik umiatsiaaqqamilluunniit ujaasisunik politiit nalunaarfigineqarsimanatik ilisimatitsipput.
