Nukissiorfiit pissutissaqanngitsumik soraarsitsisimasutut millionit affaat sinnerlugit akiliisussanngortinneqarput

Nukissiorfiit AK-p ilaasortaanut 646.629,96 koruuninik taarsiisussanngortinneqarput. Atorfillit Kattuffiata Nukissiorfiit eqqartuussivimmut suliassanngortippaa ilaasortamilu pissutissaqanngitsumik soraarsitaasimaneranik suliassanngortitsinerminni ajugaallutik.

Nukissiorfiit
Nukissiorfiit

Atorfillit Kattuffiat ilaasortaq sinnerlugu ilaasortamik Nukissiorfinnit pissutissaqanngitsumik soraarsitaasimaneranik suliami ajugaavoq.

Taama Atorfillit Kattuffiat tusagassiuutinut nalunaarummi allappoq.

Taamaalilluni Nukissiorfiit pisortat isumaqatigiissutaat naapertorlugu Nukissiorfinni pisortatut atorfeqarsimasoq 646.629,96 koruuninik taarsiiffigissavaa.

AK naapertorlugu Nukissiorfiit soraarsitsinermut pissutigisaat tassaasimavoq suliartorsimannginneq:

- Ilaasortap atorfimminut tunngatillugu isumaqatigiissutini unioqqutissimagaa, matumani sulinngitsoornini pissutigalugu aqutsisutut suliassaminik suliaqarsinnaasimanngitsoq uppernarsarneqanngitsoq Kalaallit Nunaanni Eqqartuussivik naliliivoq.

Nukissiorfiit suliaq suliareqqitassanngortissinnaavaat

- Pisoq tunngavigalugu suleqataasuniit maalaaruteqartoqarsimanera kiisalu nalunaarsorneqanngitsunik suliffimmit peqanngittarsimaneq tunngavigalugit allatut naliliisoqarsinnaanngitsoq nalilerneqarpoq soorluttaaq nalilersuutigineqarluni sulisitsisoq soraarsitsineq ukiunik marlunnik sioqqullugu AK-mut ilaasortaq suliffimminit peqanngittarsimanera ajornartorsiutitut isigineqarsimaneranik nalunaarfigineqarsimanngitsoq aatsaalli december 2022 tassunga tunngatillugu soraarsitsinissamik siunertalimmik tusarniummik tunineqarsimalluni

Nukissiorfiit juulip 31-ata tungaanut Nunatta Eqqartuussivianut suliassanngortitsisinnaatitaapput, tassanilu aalajangiisoqassaaq.

Powered by Labrador CMS