Nunani allani oqarasuaatit akisunerat Namminersorlutik Oqartussanit qisuariarfiginngikkaat
Danmarkimi naalakkersuisut Naalakkersuisut EU-mut ukiut marluk matuma siorna saaffiginneqatiseraat. Nunani allani attaveqaatinik atuinermut Europami teleselskabit akisuumik akiligassiinissaat pinaveersaartinniarlugu Kalaallit Nunaat immikkut ittumik malittarisassaqalersinnaanera anguniarneqarumalluni.
Danmarkimi teleselskabit nunani allani attaveqaatinik atuinermut EU-mut akinik isumaqatigiissuteqartarput. Naalakkersuisut isumaqatigiissutinut akuliussinnaasanngillat.
Leiff Josefsen
Kalaallit Nunaanni oqarasuaammik
angallattakkamik atuisut EU-mi atuisinnaanerat akisusinnaavoq.
Kalaallit Nunaat EU-mut ilaasortaanngimmat Tusassip nunani allani
atuisunut akigititai EU-mit malittarisassanit aallaaveqannginnerannik
pissuteqartumik.
Silap pissusianut,
nukissiornermut pilersuinermullu ministeri Lars Aagaard IA sinnerlugu
Folketingimut ilaasortamut Aaja Chemnitzimut akissummini ima
nassuiaavoq:
- EU-p nunani allani
attavinnut akigititaanut Kalaallit Nunaat ilaanngilaq.
Malittarisassat Kalaallit Nunaannut atuutissappata malittarisassat
immikkut ittut EU-p akuerissavai. Taamaattoqassappat Naalakkersuisut
namminneq kissaateqarnerat tunngaviussaaq, Lars Aagaard allappoq.
Naalakkersuisoq
attaveqarfigineqartoq
Pilersuinermut
ministeriusimasup Dan Jørgensenip Ineqarnermut
Attaveqaqatigiinnermullu taamani Naalakkersuisuusoq Mariane Paviasen
Kalaallit Nunaannit nunani allani attaveqaatinik atuinermi akit
pillugit allaffigisimagaa februaarip sisamaani 2022-meersumi
siulianut akissummi atuarneqarsinnaasoq
paasissutissiissutigineqarpoq.
Dan Jørgensenip
saaffiginnissutimini paaserusuppaa Naalakkersuisut nunani allani
oqarasuaatikkut attaveqarnermut akit aaqqiivigineqarnissaat pillugu
ataatsimut EU-kommissionimut saaffiginninnissartik soqutigineraat.
- Naalakkersuisulli
Kommissionimut ataatsimut saaffiginninnissaq pillugu
attaveqarfigineqarnertik akissuteqarfigisimanngilaat. Tamanna
kalaallinut suleqatigisannut tulliani naapikkutta qaqissavara.
Ataqqilluinnarparali Kalaallit Nunaanni telemut malittarisassat
qulaani taaneqartut Kalaallit Nunaannit aalajangiiffigineqartarnerat,
Lars Aagaard oqarpoq.
