Nunanut allanut ministerip tikeraarnissap allanngortinneqarnera sakkukillisaanertut isigaa
Nunanut allanut ministeri Lars Løkke Rasmussen pingasunngornermi ullaakkut oqaaseqarnerminni, Amerikamiut marlunngornermi pilersaarutinik allannguisimanerat, Nuummullu Sisimiunullu tikeraarnissamik taamaatitsinerat pitsaasoq DR-p P1-ianut oqaatigaa.
Assi: Emil Nicolai Helms
- Amerikamiut angalaqatigiit nuimasut taamaallaat USA-p sakkutooqarfianik Pituffik Space Basemik tikeraarniarnerat pitsaasumik ineriartorneruvoq, nunanut allanut ministeri Lars Løkke Rasmussen oqarpoq, imalu nangippoq:
Biilit ullualuit matuma siornagut Nuummut assartorneqartut angerlaallugit oqquteqqinneqarnissaat pissaaq, vicepræsidentillu nulia Amerikarmiulluunniit isumannaallisaanikkut siunnersortaata inuiaqatigiinnut kalaallinut tikeraarnissaat pinngitsuussaaq.
- Poortuisoqalerpoq taarsiullugulu namminneq sakkutooqarfitsik tikeraassavaat, Lars Løkke DR-mut oqarpoq.
Suliaq ilungersunartuusoq, Amerikamiullu Kalaallit Nunaannik nakkutilliilerniarlutik sakkortuumik akuerineqarsinnaanngitsumik siunertaqartut, nunanut allanut ministerip apersorneqarnermi erseqqissarpaa.
- Ileqarsinnaanngilagut nunap allap immikkoortuanik tigusiniarluni eqqarsaatersortumik. Maannalu tamanna Kalaallit Nunaannit Danmarkimillu erseqqissorujussuarmik oqaatigineqarpoq, Lars Løkke Rasmussen Naalakkersuisut nutaat pilersinneqarpata “Kalaallit Nunaata aningaasaqarneranik nukittorsaanissamik” qanimut suleqatigiilernissamik neriuuteqartoq oqarpoq.
Illersornissamut ministeri: pisoq kusanaatsoq
Ritzau naapertorlugu aamma illersornissamut ministerip Troels Lund Poulsenip (V) USA-p Kalaallit Nunaannut tikeraarnissamut pilersaarutiminik allannguisimanera aamma nuannaarutigaa.
Pisulli ingerlanera illersornissamut ministerip isornartorujussuutippaa.
- Aallaqqaammut Amerikamiut iliuusaat kusanaatsorujussuusoq isumaqarpunga.
- Tamanna qanittumik iligisap, Danmarkip ukiorpassuarni qanimut suleqatigisimasaanut, isumagalu naapertorlugu suli qanimut suleqatigisassatsinnut tulluanngitsoq isumaqarpunga, taanna oqarpoq.
