"Nunaqarfiga Kusanartoq" Sarfannguani nalliuttorsiutigineqarpoq
Grillerineq, nipilersorpalaarneq ataatsimoornerlu Sarfannguani pipput. Sarfannguit saligaatsutut ajugaanera nunaqarfimmi nalliuttorsiutigineqarpoq.
Assiliisoq: Aqqalu-Inuuteq Dahl
Sarfannguani saligaalluinnartumi arfininngornermi septembarip ulluisa arfineq-aappaanni pikialaartitsinertalimmik nuannatsitsisoqarpoq.
Ullormi inuit qiimaqaat, nuannersunillu Nuunu aamma Patrick appillattaajutigalutik akunniliillattaarput.
KNI-p Royal Greenlandillu suleqatigiillutik suliniutaanut “Nunaqarfiga Kusanartoq”-mi unammisitsineranni Sarfannguit ajugaavoq. Taamaattumik tamanut Sarfannguit Atuarfiani grillererisoqarlunilu nipilersornertalimmik nuannatsitsisoqarpoq.
- Nuunup Patrickillu Sarfannguarmiut pilluaqorujussuarpaat, tassanimiullu nipilersorfigineqarnissaminnut nuannersumut qilanaalereersinnaapput. Taakku KNI-mi Royal Greenlandimilu sulisugut assigaluta nunaqarfiit peqataasut eqqakkanik katersillutillu torersaallutik sulisimanerujussuannut ajasooqqapput Tamassi pinngortitaq naggorissarparsi.
- Nunaqarfiga Kusanartumik suliniuteqarnitta siunertaraa ullut ilaanni Itillermiusuulli tamatta nunaqarfitsinnik saliillaqqitsigilernissarput. Upperaarpummi kusanartunik avatangiiseqarluni peroriartorneq inuunermik iluarinninnerulersitsartoq meeraanerlu peqqinnarnerulersillugu, KNI Facebookimini allappoq.
