KL

DK

Nunatsinni Ilisimatusarnermik Siunnersuisoqatigiit 7,7 million koruuninik aningaasaliisut

Nunatsinni Ilisimatusarnermik Siunnersuisoqatigiit inuiaqatigiinnut kalaallinut attuumassuteqartunik nutaanik ilisimasaqalersitsisussanut aningaasaliissutinik sisamanik agguaapput.

Maanna Ilulissani Kangiani uumassusillit ataqatigiiaarneranni planktonip inissisimanerata ilisimatusarfigineqarnissaa aningaasaliiffigineqarpoq.
Morten Okkels Tusagassiortoq
Saqqummersinneqarpoq

Nunatsinni Ilisimatusarnermik Siunnersuisoqatigiit ph.d.-nngornianut pingasunut postdocimullu ataatsimut aningaasaliipput. Katillugit 17-it qinnuteqarsimapput. 

Aajuku siunnersuisoqatigiit ilisimatitsinerat naapertorlugu aningaasaliiffigineqartut:

  • Ph.d.-nngorniaq Bodil Hoffmeyer, nuna tamakkerlugu nalunaarsuinikkut naartusut sukkortut naartunermilu ilakutaqaleratarsinnaanermik misissuiniartoq. Suliniut Inuunerissaaneq Stenomi; Ilisimatusarfik, Peqqissaanermik Pinngortitamillu Ilisimatusarfik; aamma Københavns Universitetimi ingerlanneqassaaq.
  • Ph.d.-nngorniaq Paninnguaq Boassen, Nunatsinni ilisimatusarnermi sinaakkutit taakkulu isumaat samminiarpai. Aningaasaliineq Ilisimatusarfimmi, Kulturimik, Oqaatsinik Oqaluttuarisaanermillu Ilisimatusarfimmi ingerlanneqartussatut tunniunneqarput. 
  • Ph.d.-nngorniaq Sara Elleskov, Qilakitsormiut biologiskimik, antropologiskimik itsarnisarsiornikkullu ilisimatusarnikkut qanoq Inuit oqaluttuaataannik kulturianillu ilisimatusarfigineqarsimanersut misissussavai. Aningaasaliineq Ilisimatusarfimmi, Kulturimik, Oqaatsinik Oqaluttuarisaanermillu Ilisimatusarfimmi ingerlanneqartussatut tunniunneqarput. 
  • Postdoc Sascha Schiøtt, Pinngortitaleriffik, Ilulissani Kangiani uumassusillit ataqatigiiaarneranni planktonit inissisimanerat ilisimatusarfiginiarpai.

- Ukioq manna tapiinerit ilisimatusartunut ataasiakkaanut iluaqutaaginnarnatik Kalaallit Nunaanut ataatsimut isigalugu aamma iluaqutaassapput, suliniutit piffissami allanngoriartupiloorfigisumi ilisimasanut nutaanut naleqartitsilergiusussami aqqutissiusussaallutik, Nunatsinni Ilisimatusarnermik Siunnersuisoqatigiinni siulittaasuugallartoq, Lorenz Meire oqarpoq.

grønlands forskningsråd grønland uddannelse inuiaqatigiit samfund ilisimatusarfik

ATORFIIT Se alle jobs

Powered by Labrador CMS