Nunatsinnit silaannakkut nassiussineq unitsinneqarallarpoq
Nuummi mittarfimmi nassiussalerinermi ingerlariutsit ataasiakkaat suli inissilluaqqannginneri peqqutigalugit, angallannermut aqutsisoqarfik aalajangerpoq Nuummit nunanut allanut timmisartukkut nassiussineq piffissami sivikitsumi unitsinneqassasoq. Akuersissutit ullualuit ingerlaneranni naammassineqarnissaat naatsorsuutigineqarpoq.
Nuuk Mittarfia
Assiliisoq: Greenland Airports
Trafikstyrlsenip Nuup mittafianiit nunap avataanut nassissisarnernut akuersissutit atuutsikkuunnaarallarpaat.
Greenland Airports Facebookimi quppernerminni taama nalunaarpoq.
- Amigaatigineqartut aaqqiissuteqarnissaanut ulapputigalugulu ukkatarivarput, Nuup Mittarfianiit nassiussat timmisartukkoorteqqilernissai ulluni tulliuttuni ingerlaqqilernnissaat naatsorsuutigaaput, suliffeqarfik allappoq.
Greenland Airportsip ilisimatitsissutigaa Kalaallit Nunaannut aamma nunatta iluani timmisartumik eqqorneqanngitsut.
- Unammillernartoqartitsisinnaanera ajuusaarutigaarput, allapput.