Nutartigaq: Angut toqungasoq nassaarineqarpoq
Angut 45-nik ukiulik, angerlarsimaffimmit nunamut pisuttuarluni aallarsimasoq utinngitsoorpoq. Angut toqungasoq nassaarineqartoq politiit sisamanngornermi unnukkut nalunaarput.
Assiliisoq: Kalaallit Nunaanni Politiit
Ilulissani politiit sapaatip akunnerani matumani angut 45-nik ukiulik ujaaraat. Angut toqungasoq nassaarineqartoq, aamma angut 44-nik ukioqartoq, politiit sisamanngornermi unnukkut nalunaarput.
- Angut 44-nik ukiulik Ilulissani politiinit ujaarineqarpoq, tamatumunngalu atatillugu nalunaarutigisinnaavarput angut 44-nik ukiulik nassaarineqartoq, kingusinnerusukkulli toqungasutut nalunaarutigineqarpoq.
- Ilaqutaasut paasitinneqarput. Politiit ilaquttasut eqqarsaatigalugit suliaq pillugu annerusumik oqaaseqarsinnaanngillat, Kalaallit Nunaanni Politiit tusagassiuutinut nalunaarummi allapput.
Angut Ilulissat avannaani qaqqamut pisuttuarsimavoq, kingullermillu arfininngornermi juunip 15-ianni takuneqarluni.
