- Nunanut avannarlernut sumiiffinnut arlalinnut angalatitsisarnissarput pilersaarutigereerparput - Nuullu pingaarnerpaassaaq.
Morten Meyer, Ruby Rejserip, maanna
aaqqissuussanik inuttullu ataasiakkaatut
angalatitsisarnissamut aningaasaliingaatsiartup, ingerlatsisua taama oqarpoq.
- Nunanut avannarlernut sumiiffinnut arlalinnut angalatitsisarnissarput pilersaarutigereerparput - Nuullu pingaarnerpaassaaq.
Morten Meyer, Ruby Rejserip, maanna
aaqqissuussanik inuttullu ataasiakkaatut
angalatitsisarnissamut aningaasaliingaatsiartup, ingerlatsisua taama oqarpoq.
– Ruby Rejserimi angalatsisinissanik pilersaarusiorneq ukiuni 50-init amerlanerusuni
misilittagaqarfigaarput. Pisisartut sammisaqarlutik angalarusuttartut ukiorpaalunni
aallutingaatsiarnikuuagut – ilaatigut sisorariartut pisukkiartulluunniit. Taamaammat
ukiorpaalunni Skandinaviap avannaani
Svalbardimilu sumiiffinnut arlalinnut angalatitsisarpugut, Morten Meyer nassuiaavoq.
– Taamaammat Nuup Kalaallit Nunaatalu aallutilernissaat pissusissamisoorpoq.
Nuummimi mittarfittaap ammarneratigut
Kalaallit Nunaat takornarianut tikikkuminarsineruvoq. Taamaammat aasap tullianiit
Nuummut Kalaallit Nunaannullu angatitsinerit aaqqissuussat arlallit pilersaarutigaagut.
Illoqarfissuarmi sulinngiffeqarluni
angalaneq
– Angalatitsinerni illoqarfissuarmi sulinngiffeqarluni angalaneq qulequtaavoq.
Nuuk nunarsuarmi illoqarfiit pingaarnersaasa mikinersaraat, illoqarfissuilli allat
assigalugit misigisassaqarluarpoq – tamatumunngalu ilanngullugu pinngortitaq
nunarsuarmi kusanarnersaavoq, Morten
Meyer, aasap tullissaanut pilersaarusioriartorluni Ruby Rejserip piginnittua Mads
Bygballe Christiansen ilagalugu juunimi
Nuummiissimasoq, isumaqarpoq.
Ruby Rejserip Nuummi suliffeqarfissuaq
HHE Nuuk Water Taxilu, aamma Nuup
Kangerluani tupermi unnuisarfimmik Camp
Kangiusamik piginnittuusoq, qanimut
suleqatigai.
Ruby Rejserip ilaatigut ulluni pingasuni
sisamaniluunniit unnuinertalimmik angalanerit neqeroorutigai, taakkunani unnuk
ataaseq Kangiusami unnuisoqartassaaq.
Aammattaaq takornarissat akunnerni
arfinilinni Qooqqunukarlutik fish’n’dish
misilissinnaavaat, tassani takornarissat
nunaqarfiliarnerminni aalisakkat namminneq pisarissavaat – kingornalu Mads Bekip
Qooqquni neriniartarfiutaani nerissavaat.
Illoqarfissuarmi sulinngiffeqarluni angalanermi Kangiusami unnuinermut Nuummilu
ulluni pingasuni unnuinermut akit 12.298
kroneriniit aallartissapput.
Ilulissat ilaavoq
Aasap tullissaani Ruby Rejser aammattaaq
Nuummut Ilulissanullu angalatitsinernik
aaqqissuussanik neqerooruteqassaaq.
Essensen af Grønland (Kalaallit Nunaata
kimia) qulequtaassaaq – issittumi illoqarfissuarmiit kangerlummut sermilimmut
kusanartumut. Angalanermi tassani takornariat Eqimi iigartartumut nunaqarfimmullu Oqaatsunut ulluinnarlugu angalanissaminnut periarfissaqassapput. Takornarissat
Ilulissani Hotel Icefiordimi unnuisassapput,
umiatsiarnerillu Disko Line suleqatigalugu
aaqqissuunneqassapput.
Ingerlatseqatigiiffik ukiuni 50-init amerlanerusuni pioreersimagaluartoq amerlasuut Ruby Rejser tusarsimagunanngilaat.
Ingerlatseqatigiiffik ukioq manna upernaap
tungaanut Sunway Groupimik ateqarsimavoq. Sammisaqarluni angalanerit saniatigut
ingerlatseqatigiiffik ilisimanerusatsitut
kiattunut angalatitsisarpoq.
