KL

DK

Nuummi blok 4-mi ikuallattoqartoq - inuit marluk napparsimmaviliaanneqarput

Politiit qatserisartullu sumiiffimmiipput, tassanilu qatserisartut ikuallattumik qamisaalereersimallutik. Sumiiffimmi aqquserngup assersorneqarfiinik innuttaasut ataqqinneqqullugit politiit kaammattuipput.

Nuummi blok 4-imi inissiat ilaanni ikuallattoqarpoq. Aqquserngit assersorneqarneri innuttaasunit ataqqineqaqqullugit politiit kaammattuipput.
KASSAALUK KRISTENSEN
Digitalredaktør
Saqqummersinneqarpoq

OBS:  Politiinit paasissutissat amerlanerusut tunngavigalugit allaaserisaq nutarneqarpoq nal. 17.40.

Nuummi blok 4-mi najugaqartut, tusarfiit arlallit naapertorlugit, maanna qimagussuunneqarput, inissiaqarfinni qiterlermiittuni inissiat ilaat ikuallannerat pissutigalugu.

Kalaallit Nunaanni Politiini pigaartut pisortaata, Preben Kleistip, uppernarsarpaa, politiit qatserisartullu sumiiffimmi maanna suliaqartut:

Inissiani ikuallattoqarnerani qatserisartut qamisaapput.

- Blok 4-mi ikuallattoqarpoq. Qatserisartut qamisaallutik maanna sulipput. Ilisimatitsissutigisinnaavara inuit marluk napparsimmaviliaanneqarsimasut, taakku putsumik najuussuisimanertik pissutigalugu napparsimmavimmi passunneqassasut, Preben Kleist oqarpoq.

Taanna ilisimatitsivoq maannakkumuugallartoq ilisimasat naapertorlugit allanik ajornerusumik ajoqusertoqarsimanngitsoq.

- Suna pissutigalugu ikuallattoqalersimanersoq maanna oqaatigisinnaanngikkallarpara, pigaartut pisortaat oqarpoq.

Tusarfiit arlallit ilisimatitsipput blokkini najugaqartut maanna qimagussuunneqartut.

Politiit innuttaasunut kaammattuipput politiit aqqusinermi assersuinerannik ataqqinnissasut.

politi brand inuiaqatigiit samfund nuuk

ATORFIIT Se alle jobs

Powered by Labrador CMS