Nuummi mittarfik nutaaq: Ulloq pingaarutilik qallivoq
Nuummi mittarfik sisamanngornermi ammarnissaanut piareersarlugu ullaaralaamit unnuup tungaanut sulisoqarpoq.
Annonse
Aqaguagu, sisamanngornermi novembarip 28-anni, Nuummi mittarfik nunanit tamalaanit atorneqartussaq piareerneqassappat, allaffiup nalinginnaasumik ammaffiusup iluani sulinissaq ajornarluinnarpoq.
Angallannermut Aqutsisoqarfik mittarfimmiippoq, Greenland Airports naapertorlugu piffissaq eqqorlugu inissinneqartussat, naak piffissaq kingulleq atoraluarlugu, misissorniarlugit. Taamaattumik ataasinngornermi unnukkut naak mittoqartussaanngikkaluartoq Nuummi mittarfik qaammarpoq, tamannalu sanilerisat mittarfinnillu soqutiginnittut malugaat.
Nuummi mittarfimmi marlunngornerup ullaavani suli ikaarsaarnermik suliaqarfiuvoq. Siornatigutut pinnani maannakkut isumannaallisaasut siumorneqarsinnaalerput, aamma nassatat misissorneqarsinnaalerput. Qarasaasialli imerpalasullu taskitsinnit peeqqullugit suli qinnuigineqanngilagut. Taamaaliortoqassaqqaarpoq.
Tikittarfimmi pallit akitsuuteqanngitsunik imallit inunnit arfineq-marlunnit/arfineq-pingasunit imaarneqarput. Aamma utaqqisarfik suli piariinngilaq, pujortartarfilli nillataartoq ammavoq. Soorunami pingaaruteqangaartut ilagaat mittarfimmi Café Sumumi kaffisortoqarsinnaanera wifi-toqarsinnaaneralu.
Ullumikkut novembarip 26-anni Kangerlussuarmit Nuummut timmisartoqarfimmi sulisut aamma angalassapput. Nuummi suleqataasussat nutaat novembarip 28-ani ullaakkut GL281-imik Paamiunut aallartussamik Air Greenlandip timmisartuussinissaminut pilersaarutaanik nutaamik aallartitsissapput.
