Nuummi pinngitsaaliisoqarsimaneranik politiit misissuisut

Kalaallit Nunaanni Politiit ulapingaatsiarsimapput, tamanna politiini pigaartut pisortaat Carl Sværdip Sermitsiamut oqaluttuaraa.

Taassuma oqaluttuaraa imigassartorsimatilluni pisut eqqaassanngikkaanni nuummi pinngitsaaliisoqarsimaneranik tallimanngornerup ullaavani misissuillutik.

Arnaq ikiortissarsiorluni nilliasoq eqqaamiuisa tusaasimammassuk ullaassakkut nalunaaqutaq 05.33 politiinut nalunaarutigaat.

Politiit sumiiffimmukarput, pasisarlu tigusarineqarluni, pigartoq oqarpoq.

Qaqortumi ujajaasoqartoq

Qaqortumi ujajaasoqarsimaneranik politiit sisamanngornermi unnukkut nal. 20.55 nalunaarfigineqarput.

Inuit pingasut, 19-inik ukiulik 14-inillu ukiullit marluk inissiamut iserlutik persuttaasimapput pigisanillu tigusisimallutik.

Inuit pingasut politiinit tigusarineqarput, 14-inik ukiulik tigummigallarneqarpoq, taanna politiinik toqutsiniarluni siorasaarimmat.

- Periarfissat misissuiffigaagut, pineqartoq siornatigut politiinit ilisimaneqareermat, Carl Sværd oqarpoq.

Tasiilami annaassiniaaneq

Tunumi nunani annaassiniaanermik aallartitsisoqarpoq. 

Qimussertoq angerlarsimanngitsoq silarlummallu politiit sisamanngornermi unnukkut nal. 21.02 nalunarfigineqarput.

Qimussertoq Kuummiut eqqaani ajunngitsoq ikiuuttunik nal. 22.02 nanineqarpoq.