KL

DK

Nuup annersaa innaallagiaaruttoq

Nuummi sumiiffiit arlallit innaallagiaaruteqqapput. Nukissiorfiit misissuipput, maannamulli oqaatigisinnaanngilaat qanoq sivisutigisumik innaallagiaqassannginnersoq.

Nuummi arfininngornerup ullaap-tungaani seqineq kisimi qaammaqqutaavoq
Morten Okkels Tusagassiortoq
Saqqummersinneqarpoq

Nal. 12.15 nutartigaq: Kalaallit Nunaanni Politiit oqarasuaataat attaveqanngikkallarpoq. Maannamut normunut 56 71 20-mut imaluunniit 56 01 12-imut sianertoqarsinnaasoq politiit ilisimatitsipput.

Nuuk ullaaq manna nalunaaqutaq 9.40 missaani innaallagiaaruppoq. Ajornartorsiut illoqarfimmut tamangajammut eqquivoq. Qapiarfiusaami, Qinngorpumi Nuussuullu ilaani innaallagiaaruttoq innuttaasut nalunaarpoq. Ilaat sivikitsuinnarmik innaallagiaaruteqqapput.

Pigaartut pisortaata ajornartorsiut aaqqiissutissarlu paasiniarlugu sumiiffimmut nal. qulinut apuuteqqammersoq Sermitsiap attaveqarfigaa.

Innaallagiaaruteqqaneq qanoq sivisutigisutigissanersoq oqaatigisinnaanngilaa, ajornartorsiulli aaqqinniarlugu ulapputigigitsik oqaatigaa.

KNR Radio qamittoq

Innaallagiaaruttoqarnera pissutigalugu KNR-ip radioa aallakaatitsisinnaajunnaarpoq. Radio ajornartoortoqartillugu innuttaasunut kalerrisaarinermut atorneqartussaagaluarpoq. Teknikerit radiop aallakaatitseqqilernissaa anguniarlugu aaqqiniarsarisut KNR-ip nittartakkamini ilisimatitsissutigaa.

Nukissiorfiit Facebookimi quppernerminni pilersuinermi ajornartorsiutit pillugit ima allapput:

- Qamittoorneq aaqqinniarlugu suliniuteqarpugut. Illoqarfiup ilaa innaallagissamut attavineqqippoq. Teknikkikkullu suliassaqarfipput (EGT) ajornartorsiutinik aaqqiiniarpoq, sapinngisamik piaarnerpaamik attavinitsinniarlugu.

Nukissiorfiit nalunaarutaa tamaat uani takuuk:

samfund nukissiorfiit inuiaqatigiit strømsvigt nuuk

ATORFIIT Se alle jobs

Powered by Labrador CMS