Nuup silarlunnerata timmisartorpassuit qangattarsinnaatinngilai

Silap unerisimannginnera Nuummilu anorersuarnissaanut aarlerisaarineq Air Greenlandip tallimanngornermi arfininngornermilu pilersaarutaanik arlalinnik taamaatiinnartitsivoq. Tamanna nunatsinni atlantikkorlu qulaallugu timmisartuussinerni atuuppoq.

Timmisartut ilaat nuissanit appakaapput, tallimanngornerulli annersaani Nuup Mittarfia matoqqavoq.

Arkivfoto: Morten Okkels

Morten Okkels Morten Okkels Tusagassiortoq

Saqqummersinneqarpoq 9. Maaji 2025 - 12:33

Annonse

Ullumi tallimanngornermi Nuummi eqqaanilu silarluppoq, anorillu sakkortusinissaanik Air Greenland aarlerisaarneqarpoq.

Taamaammallu nunatsinni timmisartuussinissat amerlanerit Nuummullu Nuummiillu atlantikoq qulaallugu timmisartornissaq ataaseq tallimanngornermi taamaatiinnarneqarput.

Nunatsinni timmisartornerit ikittut Atlantikorlu qulaallugu timmisartorsuaq Tuukkaq ullaap tungaa Nuummut tikippoq. Tuukkarlu maanna Københavnimut utissalluni qangattareerpoq.

Tallimanngornermi ualikkut taamaatitsiinnarnerit Narsarsuarmut Narsarsuarmiillu, Maniitsumut Maniitsumillu, Ilulissanut Ilulissanillu, Kangerlussuarmut Kangerlussuarmiillu, Paamiunut Paamiuniillu, Sisimiunut Sisimiuniillu kiisalu Københavnimut Københavnimillu (Jettimesip ualikkut aallarfigisartagaa) taamaatiinnarneqarput.

Taamattaaq Tukkap arfinngornermi Nuummit Københavnillu timminissaa taamaatiinnarneqarpoq.

Nuup sinerissallu akornanni arfininngornermi timminissat qanoq ingerlanneqarumaarnerat suli paasinarsinngilaq. Pisut ingiaqatigalugit Air Greenlandip paasissutissiissutini nutartissavai.