Amerikamiut aallartitaat illersornissamut isumaqatigiissut pillugu: Suleqatigiinnitsinnik nutarterineq
Illersornissamik isumaqatigiissutip oqaluttuarisaanermi pingaaruteqartup, akuersissutigineqarnera Amerikamiut aallartitaata Ken Howeryp tikilluaqquaa, suleqatigiinnitsinnilu siunissami sillimaniarnermi unammillernarsinnaasunut tunngatillugu nutarterinerusoq oqaatigaalugu.
Amerikamiut aallartitaat Ken Howeryp Nuummi aallartitaqarfimmi uani assilineqarsimasup, isumaqatigiissut angusatut pingaaruteqartutut USA-p, Danmarkip aamma Kalaallit Nunaata akornanni suleqatigiinnermik nutarterinertut, nalunaarummi oqaatigaa.
Assi: Oscar Scott Carl
Amerikamiut Danmarkimi aallartitaat Ken Howery nalunaarummi nassiunneqaqqammersumi allappoq, illersornissamut isumaqatigiissutip atortussanngortinneqarluni amerlasuunit akuerississutigineqarnera, USA sinnerlugu tikilluaqquginni.
“Isumaqatigiissut angusaavoq annertooq, suleqatigiinnitsinnik nutarterineruvoq, siunissami unammillernarsinnaasunut tunngatillugu, aamma USA-mi Kunngeqarfik Danmarkimi taassumalu ilaanni Kalaallit Nunaanni kiisalu NATO tamakkerlugu sillimaniarnermik nukittunerulersitsisoq”.
Nalunaaruteqarnermini ilanngullugu Ken Howeryp Danmarkimi aamma Kalaallit Nunanni suleqatini qutsavigai “isumaqatigiissutip uuma isumaqatigiinniutiginerani akunnerpassuit atorneqarsimammata, tamatta isumannaannerulersillutalu, nukittunerulersillutalu piareersimanerulersippaatigut.”
Suleqatigiinnerup nukittunerulernissaa anguniarlugu sulinerup ingerlaqqinnissa aallartitap qilanaaraa, “isumaqatigiissumik atuileriartornitsinni, ikinngutivut ilivullu Kunngeqarfik Danmarkimi tamaneersut peqatigalugit ataatsimoorluta pingaartitatta allat siuarsarnissaat.”