ANGUTIT ULLUAT 

Sooruna angutit misissorneqarneq ajortut? 

Arnat illissamik paavatigut misissorneqarnissamut peqqinnissaqarfimmit neqeroorfigitikulasarput. Angutit sooq misissorneqartannginnerat Erik Olsenip eqqarsaatersuutigisarpaa. Angutillu, soorlu quumik aqqutaatigut, misissorneqarnissamik neqeroorfigineqartalernissaat kissaatigigaluarlugu. 

Erik Olsenip anguteqatini nakorsiartarnissaanik kajumissaarpai.
Saqqummersinneqarpoq

56-inik ukiulik Erik Olsen piffissaq kingulleq eqqarsaatersuuteqartarpoq. 

- Eqqarsaatinni uanga imaattarama, soormitaavaana nunatsinni arnat kisimik kræftilinnginnissaat anguniarlugu misissorneqartartut? Angutimmi uagut?, Erik Olsen taama oqarpoq. 

56-inik ukiulik Erik Olsen piffissaq kingulleq eqqarsaatersuuteqartarpoq. 

- Eqqarsaatinni uanga imaattarama, soormitaavaana nunatsinni arnat kisimik kræftilinnginnissaat anguniarlugu misissorneqartartut? Angutimmi uagut?, Erik Olsen taama oqarpoq. 

Nunatsinni arnat illissap paavatigut sananeqaatit allanngoriartornersut pillugit smearimik taaneqartartumik peqqinnissaqarfimmit misissorneqarnissamik neqeroorfigitittarput. 20-niit 50-inut ukiullit ukiut pingasukkaarlugit, 50-iniillu 65-inut ukiullit ukiut tallimakkaarlugit misissortinnissamik neqeroorfigitittarlutik. Taamaaliornikkut illissap paavatigut kræftinnguussinnaasumik peqarnersoq paasineqarsinnaasarluni. 

Angutilli assingusumik misissorneqarnissaannik neqeroorfigitinneq ajorput.

- Qujanarpoq arnat misissorneqartarmata, aamma pingaartinneqarmat misissorneqartarnerat. Taanna assortunngilara, aamma assortorusunngeqaara. Kisianni aamma uagutsinnut angutinut qiviartoqarnissaa pisariaqarsoriivippara. Taamaattumik taanna ujartorpara, Danmarkimi angutit misissorneqartarmata, Erik Olsen oqarpoq.  

Kræftinnguussinnaasumik timinniittoqarpa?

Erik Olsen angutit misissorneqartannginnerat pillugu anguteqatiminik paasiniaalluni oqaloqateqallattaasarpoq. Ilaatigullu tusagaqartarluni.

- Tusaqqammerpunga angummik, ukiut marlungajaat matuma siorna quisimasumik aattalimmik. Taamanikkut sunerluni eqqarsaatigisimanngilaa. Ukioq manna paasivaa, sunaaffa quup aqqutaatigut kræfteqarluni. Queqqaarami aattalimmik, immaqa taanna misissuisarneq periarfissaasimasuuppat, taamanili immaqa paasereersimasassaralua massakkut pinngitsoorsimasinnaagaluartoq. 

Erik Olsenip anaanani kræftimik toqquteqarneratigut annaanikuuaa. Nammineq kræftinnguussinnaasumik timiminiittoqarnersoq imaluunniit kinguaani arlaatigut kingornussaqarataannaanersoq pillugu paasisaqarusukkaluarpoq.

- Nalunngilara aamma kingornuttakkanik ilaqutariinni peqartoqartartoq. Imaassinnaasoq uanga peqanngittunga, imaassinnaasoq kinguaara peqartoq, imaassinnaasoq uanga alloraanga. Taava kinguaanniittoqarluni.

Peqqinnissaqarfik: Taamaammat misissuisoqarneq ajorpoq 

Erik Olsenip eqqarsaatersuutigisartagaa nunatsinni peqqinnissaqarfimmut paasiniarparput. Taakkulu Sermitsiamut uppernarsarpaat arnat neqeroorfigineqartarneratulli angutit neqeroorfigineqarneq ajortut. 

- (Der er pt. ikke tilbud om screening for mænd med henblik på at forebygge prostatakræft) Angutit quup aqqutaatigut kræfteqarsinnaanerat pinaveersaartinniarlugu misissortinnissaannik maannakkut neqerooruteqarneq ajorpugut, Nunatsinni Peqqinnissaqarfiup Pisortaqatigiivi taama allapput.

Misissuisalernissarlu pilersaarutaanngikkallartoq nakorsat pisortaat Jesper Olesen nassuiaavoq.

- (Indtil videre har vi i Det Grønlandske Sundhedsvæsen valgt ikke at tilbyde screeningsprogrammer, som går ud over de anbefalede fra Sundhedsstyrelsen i Danmark) Danmarkimi Peqqissutsimut Oqartussaqarfiup innersuussutai aallaavigalugit, Kalaallit Nunaanni Peqqinnissaqarfimmi misissuinissamut maannakkumut neqerooruteqartassanata aalajangiusimavarput, Jesper Olesen oqarpoq. 

Erik Olsenilli neqerooruteqartoqaraluarpat misissortikkiartortarnissani qularinngilaa. 

- Ilaana misissortikkusussagaluaqaanga. Ilimagaara aamma anguteqassasoq, naamik uanga pisariaqartinngilara, neqeroorutaaginnarluni. Aajuna periarfissaq atorusukkussiuk atorsiuk, Erik Olsen oqarpoq.  

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS