Paasissutissanik ileqqorissaartumik katersineq nunatta inuisa pisinnaatitaaffiinik eqqortitsinissamut tunngaviusoq
Paasissutissaalatsineq innuttaasut pisinnaatitaaffiisa illersornissaannut ajornakusoortitsisartoq, saqqummiussami nutaami erseqqissaatigineqarpoq – paasissutissanillu ataqqinnittumik ileqqorissaartumillu katersisoqartarnissaa aamma kajumissaarutigineqarpoq.
Assi: Oscar Scott Carl
Ajornartorsiutit
sumi
annertunerpaanersut ilisimanneqanngippat, Kalaallit Nunaanni inuit pisinnaatitaaffii
qanoq illersorneqarsinnaappat? Apeqqut tamanna Danmarkimi inuit pisinnaatitaaffiinik ilisimatusarfiup, tassa Institut for
Menneskerettighederip aamma Inuit Pisinnaatitaaffii pillugit Kalaallit Nunaanni
Siunnersuisoqatigiit (IPS) saqqummiuteqqammisaminni sammivaat.
Paasissutissanik
ileqqorissaartumik ilaatitsillunilu katersineq inuit pisinnaatitaaffiisa illersuinerup
nukittorsarnissaanut innuttaasullu atugaasa pitsaanerulernissaannut qanoq iliuuseqarnissamik
aalajangiinissanut tunngaviusoq, saqqummissaminni aamma sammivaat.
- Arnat inuusuttut innarluutillit nakuuserfigineqarnerukkajuppat?
Aamma nunatsinni pineqaatissinneqarsimasunut inissiisarfimmiittuni qassit immikkut
inissitaappat? Taakkua Apeqqutit taakkua
apeqqutit ilarpassuisa paasissutissanik katersisoqartannginnera pissutaalluni akisinnaasannginnerannut
assersuutissaqqipput, IPS-imi siulittaasoq Tukumminngiaq Olsen Lyberth
oqarpoq.
Paasissutissaalatsineq
aalajangiinissamut tunngavissaqarpiarunnaartitsisartoq
Tunngaviusunik
paasissutissaalatsisarneq inatsisiliornissamut iliuuseqarnissamullu aporfiliisartoq,
Institut for Menneskerettighederip IPS-illu aamma erseqissaatigaat:
- Oqartussat
inatsisinik nutaanik akuersissuteqarnissamut, inuiaqatigiit inuunermi atugaasa siuarsarnissaannut
suliniutinik aallartitsinissamut Kalaallit Nunaannilu ajornartorsiutit aaqqiisumaginissaannut
paasissutissanik tunngavissaqarluarnissartik pisariaqartippaat, Institut for
Menneskerettighederip qullersaa Pernille Boye Koch oqarpoq.
Saqqummiussaat
ilisimatusartunut, inuiaqatigiinnut allanullu soorlu inuit pisinnaatitaaffiinut
tunngasuni sulialinnut ilisimasallu tunngavigalugit ileqqorissaartumik aaqqiissuteqarnissamut
tapersersuerusuttunut atuagassiaralugu suliaavoq.
Inunnik ataqqinniffiusumik paasissutissalerineq
Paasissutissanik
katersineq tamakkersimasuuinnarnani inunnik aamma ataqqinniffiusariaqartoq, saqqummiussami
pingaarnertut oqariartuutigineqarpoq. Taamaammat inuit pisinnaatitaaffii aallaavigalugit paasissutissalerinermut tunngaviit arfinillit, peqataatitsineq,
kinaassutsimik nammineq uppernarsaaneq, isertuaanneq akisussaassuseqarnerlu, saqqummiussami
ilanngunneqarput.
- Kikkulluunniit pillugit paasissutissanik
pissarseriaannaasoqarnissaanut tamatta akisussaaqataavugut. Paasissutissanik
pisarialinnik pissarseriaannanngorutta siuarsaaqataalersinnaavugut – ataqqinninneq
inuttullu pisinnaatitaaffiit aallaavigalugit, Tukumminngiaq Olsen Lyberth
oqarpoq.
