"Ataatsimoorfigaarput Kalaallit
Nunaat toqqissisimanartoq kiffaanngissusilik siuariartortorlu”
Demokraatit, Inuit Ataqatigiit, Siumut Atassutillu
naalakkersuisooqatigiinnermut isumaqatigiissutaanut,
Naalakkersuisunut siulittaasunngortussap Jens-Frederik Nielsenip
tallimanngornermi ulloq 28. februar Katuami ulikkaaqqasumi
ilisarititaanut qulequtaavoq.
Najuuttunut Jenseeraq Poulsen ilaavoq
,taannalu Inatsisartunut qinersinermi KNR-imut politikikkut
naliliisartuuvoq. Inatsisartunut qinersineq puigunaatsuusimasoq,
taanna isumaqarpoq.
"Ataatsimoorfigaarput Kalaallit
Nunaat toqqissisimanartoq kiffaanngissusilik siuariartortorlu”
Demokraatit, Inuit Ataqatigiit, Siumut Atassutillu
naalakkersuisooqatigiinnermut isumaqatigiissutaanut,
Naalakkersuisunut siulittaasunngortussap Jens-Frederik Nielsenip
tallimanngornermi ulloq 28. februar Katuami ulikkaaqqasumi
ilisarititaanut qulequtaavoq.
Najuuttunut Jenseeraq Poulsen ilaavoq
,taannalu Inatsisartunut qinersinermi KNR-imut politikikkut
naliliisartuuvoq. Inatsisartunut qinersineq puigunaatsuusimasoq,
taanna isumaqarpoq.
- Partii talerperliuniartuusoq Demokraatit, partiip pilersinneqarneranit illuatungiliuttuusarlunilu 2009-mi naalakkersuisooqataasup, maanna siullermeerluni annertuumik siuariarluni partiini annersanngornera, qinersinermik puigunaatsunngortitsivoq.
- Allaanngilaq innuttaasut aqutseriaatsimik allaanerusumik kissaateqartut, taamaalillunilu Demokraatinik taasillutik. Atassut, partii talerperleq 1970-ikkunni pilersinneqartoq qiviassagutsigu, partiip taassuma annersaasimaneranik eqqaamasaqanngilanga, Jenseeraq Poulsen oqarpoq, taasumalu qinersinerup matuma, qinersisartut Demokraatinik taasinermikkut allannguisuunera erseqqissaatigaa.
Jenseeraq Poulsenillu
Inatsisartut oqaluttuarisaaneranni aatsaat taama siammasitsigisumik
naalakkersuisooqatigiinnik pilersitsisoqarnera attorneqaatigaa.
- Partiit assigiinngitsut sisamat Naalakkersuisooqatigiinnissamut isumaqatigiissuteqarnerat killitsinnarpoq, neriunnermillu pilersitsilluni. Naalakkersuisooqatigiit qinigaaffik tamakkerlugu atuutissasut soorunami neriuutigaara, taanna oqarpoq.
Inatsisartuni
sivisunerpaamik qinigaasoq Hans Enoksenip Inatsisartunut ilaasortat
nutaat ulloq 7. april inissitsiterlutik ataatsimiinnissaannut
aggersarpai.
Siulittaasoq
eqaatsumik suleriaasilik katersuutsitsisorlu
Suilittaasup
sapinngisamik siammasinnerpaamik naalakkersuisooqatigiinnissamut
isumaqatigiissusiorsinnaaneranut suna piumasaqaataava? Tamanna
iluatsissappat Jens-Frederik Nielsen sunik piginnaasaqartariaqarpa?
- Naalakkersuisut siulittaasuat isumaqatiginninniarnerni piginnaaneqartoq, naalaallaqqissuusoq partiilu oqariartuutaanik paasinnittuullunilu oqaatigineqartunut isummertartoq isumaqarpunga. Isumaqatiginninniaqatigisami inissisimaffiat akuerisinnaavaa, illuatungeriillu isumaat naapitissinnaallugu. Siuttutut aamma takorluugaqartussaavoq, utaqqisinnaassuseqarluni eqaatsimullu suleriaaseqarluni.
- Taamatut siammasitsigisumik naalakkersuisunik pilersitsisinnaanermini inuttut tatiginartuusussaavoq tutsuiginarlunilu. Naalakkersuisooqatigiit ataannarsinnaanerannik isumallualersitsivoq, ajornanngippat qinigaaffik naallugu. Siulittaasutut katersuutsitsisinnaasutut sassarnermini neriuummik pilersitsivoq, Jenseeraq Poulsen oqarpoq.
Naalakkersuisooqatigiinnik
taama siammasitsigisumik pilersitsinermi USA-p præsidentiata
oqaaseqartarnera sunniuteqarpa?
- Isumaqatiginninniarnerni sunniuteqarsinnaavoq, tusarnaarnikuunagilli tamanna eqqoriaannarneqarsinnaavoq. Nunatut ataatsimoornissap aatsaat taama pingaaruteqartiginera Siulittaasup oqaatigaa. Kulturikkut immikkuullarissuserput pingaaruteqarpoq, innuttaasullu ataatsimoorlutik ineriartornissaat pingaaruteqarluinnarpoq.
- Nunarsuarmioqatigiit kulturikkut immikkuullarissutsitsinnik kinaassutsitsinnillu akuersillutillu ilinniarnissaat, naalakkersuisooqatigiinnut nutaanut pingaaruteqarpoq. Unammilligassavut eqqarsaatigalugit avammut ataatsimut kinnertarnissarput sorsoqatigiinnissarpullu pingaaruteqarpoq. Aningaasaqarnikkulli, inuiaqatigiittut politikikkullu ajornakusoorutit pilerneranni, ataatsimoorsinnaaneq ajornakusuulertarpoq. Siulitaasup tamanna ilisimaarilluaraa neriuutigaara, Jenseeraq Poulsen oqarpoq.
Isummeriaatsit
assigiinngitsut
Naalakkersuisuusimasut
aalisarnermut inatsimmik akuersineranni Demokraatit akerliupput.
Naalakkersuisooqatigiinnissamut isumaqatigiissummi,
isumaqatigiissuteqartut aalisarnermut siunnersuisooqatigiinnik
attuumassuteqanngitsunik pilersitsinissaq isumaqatigiissutigaat.
-Naalakkersuisoqatigiinnissamut isumaqatigiissummi aalisarnermut inatsisip allanngortinneqarnissaa toqqaannartumik oqaatigineqanngilaq, tusarnisaarluguli immikkut ilisimasalinik attuumassuteqanngitsumik aalisarnermut siunnersuisooqatigiinnik aalisarnerup ineriartorneranik siunnersuisussanik pilersitsisoqarnissaa oqaatigineqarpoq.
- Inoqarfinni ataasiakkaanni aalisarnerup ingerlattuaannarnissaa naalakkersuisooqatigiit pingaartippaat. Oceans North Kalaallit Nunaannillu tamanna pisinnaasoq, aalisakkanillu ataasiakkaanik suliarinnittarnissamik aningaasarsioruteqarnissamillu anguniagaq piviusunngortinneqarsinnaasoq neriuutigaarput, Jenseeraq Poulsen oqarpoq.
Naalagaaffinngornissamut
Naalakkersuisuerunnera aamma maluginiarpaa.
- Tamanna naalagaaffinngornissap qanittumi pisussaanngineranik nunarsuup sinneranut oqariartorneruvoq, namminiilivinnissalli anguneqarnissaa eqqissisimanerusumik sulissutigineqartoq, taanna oqarpoq.
Naalakkersuisoqatigiit
siammasissut sunik ilungersunartorsioruteqarsinnaappat?
- Partiit isummertaatsimikkut assigiinngitsuunerat eqqaamassavarput. Demokraatit imminnut socialliberaalitut taagorput, Siumut socialdemokratismemik toqqammaveqarpoq, Inuit Ataqatigiit socialistiupput kiisalu Atassut liberalkonservativiulluni. Partiit sisamat tamarmik inuiaqatigiit qanoq ineriartortinneqarnissaannik aalajangerniartarnerminni tunngaviusumik isumaliortarnermikkut assigiinngillat.
- Tamatuma saniatigut partiit assigiinngitsut qinersisartuisa naatsorsuutigisaat aamma naalakkersuisooqatigiinni siammasissuni isummersorfigineqartussaapput. Suliassaminnik aallartitsigunik sulinissaminnut erseqqissunik sinnaakkuteqartussaapput taamatullu aamma qanoq akunnerminni isumaqatigiissuteqartarnissamik, ajornartorsiutinillu pilerumaartunik qanoq aaqqiisarnissamik isumaqatigiissuteqassallutik. Tamanna aallaqqaammullu ilisimariissavaat, qinersisartummi ajornartorsiutinik aalajangersimasunik aaqqiititserusullutik qinersipput, Jenseeraq Poulsen naggasiivoq.
