Paul Watson eqqissiallattoq: Japanimit angerlaqqinngisaannassagaluarpunga
Inatsisinik atuutsitsinermut ministereqarfiup arfarnernut illersuisoq Japanimut tunniunneqassanngitsoq aalajangerpaa. Meeqqami takoqqinnissaat maanna salliuppaa.
Arfernut illersuisoq 74-inik ukiulik Paul Watson decembarip 17-ani 2024-mi Nuummi iperagaanermi kingorna. Nammineq oqarpoq parnaarussaanermini meeqqani maqaasisimallugit.
Assi: Alataq Møller/Arctic Creative/Ritzau Scanpix
Arfernut illersuisoq, Paul Watson, marlunngornermi ullaakkut iterami Japanimut tunniunneqarnaviarani ilisimasimanngilaa.
Taassuma TV2-p nutaarsiassaqartitsivianit Nuummiit apersorneqarami eqqissiallannini unnersiutigaa.
- Eqqissiallaqaanga, meeqqakka juunimili takuakka.
Taassuma apersorneqarami meeqqani arlaleriarluni eqqaavai:
- Ernumassutiginerpaavara meeqqakka junimili takunngisakka maqaasigakkit. Ilaannikkulli oqariartuutit paasitinniarlugu parnaarussaasariaqartoqartarpoq.
Juunimili tigummigallarneqareerluni marlunngornermi ullaakkut nalunaaqutaq 08.46 iperagaavoq.
Japanimut tunniunneqarnissaa piumasarineqaraluartoq, Inatsisinut atuutsitsinermut ministeriaqarfiup tunniunneqarnissaanut tunngavissaqannginnerarlugu itigartippaa.
- Ajornerpaamik pisoqarnissaanut piareersartarpugut pitsaanerpaamillu pisoqarnissaa neriuutigalugu, TV 2 News-imut oqarpoq.
Japanimiut 2010-mi Sikuiuitsumi kujallermi pisimasumut atatillugu tunniunneqassasoq eqqartuunneqarnissaalu piumasaraat.
Japanimi oqartussaasut naapertorlugit tassani Watsonip umiarsuaq arferniut ajoquserpaa aamma Japanimiunik arfernianik akornusersuilluni.
Inuttat ilaat ataaseq ajoqusersimanerarpaat.
Watsonili pisuunnginnerarpoq.
- Japanimut aallartitaasimasuuguma angerlaanngisaannassaanga, TV2 News-imit apersorneqarami Paul Watson oqarpoq.
Kalaallit Nunaanni tigummigallarneqarnermini taarsiiffigitinnissamik qinnuteqassanersoq suli akissutissarsineqanngilaq.
/ritzau/
