– Droninik atuinermik misilittakkavut pitsaasorujussuupput. Taakku paasissutissanik attaveqarnermillu uppernarsaasiinermut nutaaniinnaq periarfissinngilaatigut, taakkuli aamma nunatsinni avatangiisini ilungersunarnerpaani naammassisaqarluarsinnaalerlutalu isumannaallisaavigaatigut. Siunissami ilisimatusarnernik nakkutilliinernilu suliniutini droninik atuinerup annertusarnissaanut periarfissaqarluartoq takusinnaavarput.
Taama Mie Winding, Pinngortitaleriffimmi silap pissusia pillugu ilisimatusarnermi qitiusoqarfimmi pisortaq oqarpoq.
– Droninik atuinermik misilittakkavut pitsaasorujussuupput. Taakku paasissutissanik attaveqarnermillu uppernarsaasiinermut nutaaniinnaq periarfissinngilaatigut, taakkuli aamma nunatsinni avatangiisini ilungersunarnerpaani naammassisaqarluarsinnaalerlutalu isumannaallisaavigaatigut. Siunissami ilisimatusarnernik nakkutilliinernilu suliniutini droninik atuinerup annertusarnissaanut periarfissaqarluartoq takusinnaavarput.
Taama Mie Winding, Pinngortitaleriffimmi silap pissusia pillugu ilisimatusarnermi qitiusoqarfimmi pisortaq oqarpoq.
Taanna pinngortitaleriffiup droninik atuisarnera ataatsimut isigalugu oqaaseqarpoq, tassanilu immikkoortortat assigiinngitsut taakku nakkutilliinerminni atortarpaat (tassa arlaannik nakkutilliinermi imaluunniit uteqqiattumik paasissutissanik katersillunilu misissueqqissaarnerni, aaqqiss.)
– Droninit paasissutissat Pinngortitaleriffiup pisortatigoortumik alapernaarsuinermi suiassaani suli ilaalinnginnerat oqaatigissallugu pingaaruteqarpoq. Taakku pingaarnermik ilisimatusarluni suliniutini ataasiakkaani kiisalu periutsinik nutaanik misilittaanerni atorneqartarput, taanna ilassusiivoq.
Ilisimatusarnermut misileraaneq
– Maannakkut dronit ilisimatusarluni suliniutini assigiinngitsuni atorsinnaassusaat paasiniarlugulu misileraleruttorpavut. Dronit piffinni tikikkuminaatsuni sulisinnaalersitsillutillu paasissutissanik pisariitsumik isumannaatsumillu katersisinnaaneq pisinnaanngortippaat, Mie Winding oqaluttuarpoq, Pinngortitaleriffiullu ilisimatusarnermini qanoq droninik atuisarneranik assersuutinik oqaatigisaqarluni.
Dronit ilaatigut sermersuup killingani sermersuullu ingerlaarneranik uppernarsaasinnaalersitsipput.
– Dronit sermersuup killingani, tikikkuminaassinnaasumi navianarsinnaasumilu aammali tikinneqarsinnaanngitsumi immikkuualuttortalinnik assiliisinnaalersippaatigut, taanna tikkuaavoq.
Taamattaaq dronit sineriammi uuttortaanermi atorneqartarput.
– Ukiumit ukiumut droninik assilisat sanillersuunnerisigut piffissap ingerlanerani allanngoriartornernik paasisaqarsinnaavugut.
Dronit aamma uumasoqatigiiaat assigiinngitsut alapernaarsorneqarneranni atorneqartarput. Assersuutigalugu dronit arferit angissusaannik uuttuinernut, peqqissusaannik naliliinernut atorneqartarput, taamaaliunngikkaanni akornusersuinerusumik periuseqartariaqartaraluarpoq.
– Dronittaaq nunatamik uuttortaanerni atorneqarsinnaapput. Taamaaliornikkut nunatat uuttoruminarnerulersarput, tamannalu ilisimatusarnerni assigiinngitsorpassuarni iluaqutaavoq, Mie Winding naliliivoq.
Siaruarterinermi atorneqartut
– Attaveqarniarnermik suliaqarnitsinni dronit pingaarutilimmik inissisimapput, Mie Winding oqarpoq.
– Takutitsissutit assigiinngitsut atorlugit suliatsinnik uppernarsaasiisinnaallutalu, suliavut pillugit oqaluttuarsinnaalersippaatigut. Assigiinngitsunit sammivilimmik takutitsisinnaalersitsipput. Assersuutigalugu nunami, pinngortitami avatangiisinillu unammillernartulinni suliatsinni droninik assilisat, allallu assilisat atorlugit takutitsisinnaalersippaatigut, taanna oqarpoq.
Pinngortitaleriffik maannakkut droninik aqqanilinnik nalunaarsugaqarpoq, taakkulu tamarmik kinamiut meqqiannik DJI-mik meqqeqarput (Da Jing Innovationsimut aaqq.). Nunarsuarmi droninik suliffeqarfiit annersaat DJI Sky City, Nasham District, Shenzhen, Guangdong Kinami qullersaqarfeqarpoq. Namminersortuuvoq, Wikipediali naapertorlugu suliffeqarfiup ilaa naalagaaffimmit pigineqarpoq.
Pinngortitaleriffiup dronit timmisinnaasut atortarpai, imalli iluatigoorsinnaasunik aamma droniuteqarpoq (ROV), taakku ilinniartitsinermut atatillugu pingaarnertut atorneqartarput.
– Tamatuma saniatigut suleqativut peqatigalugit suliniutini ROV-nik immap naqqani uumassusillit assigiinngiiaartuunerannik paasissutissanik katersinermik ingerlatsinermi atuisarpugut, soorlu makroalgit siaruarsimanerinik, Mie Winding paasissutissiivoq.
Ingerlatsineq isumannaatsuunerlu
Pinngortitaleriffik, Angallannermut, Sanaartornermut Ineqarnermullu Aqutsisoqarfimmit akuerisamik ingerlatsinermi malitassiaqarpoq, taannalu ukiut tamaasa nutarterneqartarpoq. Atuagaq taanna dronit atorneqartarnerannut ilitsersuusiortuuvoq, tassani sungiusarsimanermut droninillu aquttut piginnaasaannut piumasaqaatit kiisalu timminerit tamarmik uppernarsaaserlugillu nalunaarsorneqarnerinut.
Pinngortitaleriffik maannakkut aqqanilinnik akuerisanik droninik ingerlatsisoqarpoq, taakkulu tamarmik piumasaqaatinik naammassinnittuupput.
ILISIMATUSARTUT DRONINIK ATUISARPUT
Ingammik alapernaarsuinermut atatillugu, tassa arlaannut tunngasunik uteqqiattumik katersillunilu paasissutissanik misissueqqissaarnermi, ilisimatusartut arlallit droninik atuisarnerat, Kalaallit Nunaanni Ilisimatusarnermut Siunnersuisooqatigiit ilisimatitsissutigaat.
Silap pissusia pillugu ilisimatusarnermi qitiusoqarfiup aamma dronit assersuutigalugu Nuup Sermianik alapernaarsuinermini droninik atuisarpoq.
Taakku saniatigut dronit attaveqarnermik suliaqarnermi assiliissutitut videonillu assiliissutitut atorneqartarput. Nuummi GEUS-imi pissanganartumik suliniuteqartoqarpoq, tassani dronit ukiukkut sermip uninnganerata alapernaarsorneranut immap naqqani uuttortaanermi atorneqartarput.
Asiattaaq assersuutigalugu nunap assiliornermini dronit atortarpai.
Arctic DTU-mi – Ilinniarfeqarfik Sisimiuni aamma dronit atorneqartarput. Assersuutigalugu Aqqutikitsumi Sermip quppartaanik nalunaarsuinermi suliniummi, tamannalu qasuersaarfittut atorluarneqarlunilu Sisimiuni erngup nukinganik innaallagissiorffimmut pilersuisuuvoq.
Aammalu GEUS-imi ilisimatusartut suleqatigalugit Qeqertarsuarmi sermeqarfinnik alapernaarsuinermi, siorna tasertaqartumi, kuunneranilu majuartarfittaamik aseruisumik, alapernaarsuinermi atoraat, Kalaallit Nunaanni Ilisimatusarnermi Siunnersuisooqatigiit ilisimatitsissutigaat.
