POLITIIT ULLOQ UNNUARLU NALUNAARUSIAAT
Pisiffik Qinngorput tillinniarfigitissimavoq karsimik cigaretsinik imalimmik
Arfininngornermi unnukkut 19:30 missaani Pisiffik Qinngorput tillinniarfigineqarpoq karsi cigaretsinik imalik anninneqarluni.
Kalaallit Nunaanni politiit arfininngornermi unnukkut Pisiffik Qinngorput-mi tillinniarneq pillugu nalunaarfigineqarput. Politiit suli misissuipput, tassungalu atatillugu takunnissimasinnaasunik imaluunniit tillinniarneq pillugu paasissutissaateqarsimasinnaasunik attaveqarusupput.
Assiliisoq: Oscar Scott Carl
Kalaallit Nunaanni Politiit nakkutilliisuisa pisortaat, Jørgen Madsen oqaluttuarpoq politiit nalunaarfigineqarsimasut nalunaaqutaq 20:31, Qinngutsinni Pisiffimmi cigarettinik karsimik tillittoqarsimasoq, karsi taanna princenik aamma prince lightinik imaqarpoq.
Tillinniarneq politiit paasissutissiissutigisaat naapertorlugu nalunaaqutaq 19:30-ip missaanni pisimavoq arfininngornermi unnukkut. Tassa pisiniarfik suli ammasoq.
Suliaq pillugu politiit suli misissuipput:
- Politiit takunnissimasinnaasunik imaluunniit tillinniarneq pillugu ilisimasaqarsinnaasunik attaviginnikkusupput, politiinullu attaveqarsinnaavutit normumut 70 14 48.
- Tassunga tunngatillugu aamma Nuummi innuttaasunut eqqumaffigeqquarput cigetsinik tuniniaaniartoqarsinnaammat, ilimanarsinnaammat tillinniap/tillinniat cigaretsit tillitatik tuniniarniarsarissagaat, politiit nakkutilliisuutitaasa pisortaat Jørgen Madsen erseqqissaavoq.
