Polar Seafoodimi ukioq manna angusat aningaasarsiornermik ilisimatuut nuannaarutissatut taasinnaagunanngikkaluaraat angusarissaarfiupput.
Qaleralittassat, raajartassat suluppaagartassallu Kalaallit Nunaanni suliffeqarfiit namminersortut annersaannut ikileriaraluartut Polar Seafood Greenland A/S 2024-mi akileraarutit ilanngaatiginagit ikinnerussuteqarlunilu piginneqataaffiit ilanngunnagit 119 millionit koruuninik sinneqartooruteqarpoq.
Polar Seafoodimi ukioq manna angusat aningaasarsiornermik ilisimatuut nuannaarutissatut taasinnaagunanngikkaluaraat angusarissaarfiupput.
Qaleralittassat, raajartassat suluppaagartassallu Kalaallit Nunaanni suliffeqarfiit namminersortut annersaannut ikileriaraluartut Polar Seafood Greenland A/S 2024-mi akileraarutit ilanngaatiginagit ikinnerussuteqarlunilu piginneqataaffiit ilanngunnagit 119 millionit koruuninik sinneqartooruteqarpoq.
Ukiup siulianut sanilliullugu sinneqartoorutit amerleriarujussuarput, siorna angusat 84 millionit koruuniullutik.
Tamanna suliffeqarfissuup 2024-mut naatsorsuutaani takuneqarsinnaavoq.
Polarip pisortaanerata aappaata Bent Sallingip 2024-mi sinneqartoorutit angusarissaarnertut taavai.
2023-mi kilisaatit tamarmik umiarsualivimmi sivisunerusumik uninngasimanerat pissutaalluni 2024-mi angusat 2023-mut ilaannakuusumik sanilliunneqarsinnaasut suliffeqarfik tusagassiuutinut nalunaarummi allappoq.
Bent Salling: “Qujamasuutigeqaarput”
- Ukioq manna, raajanut TAC-p (tamakkiisumik pisarineqarsinnaasut annertussusaat) suli appariaqqiffiani, taamatut angusaqarnerput, suliffeqarfiup iluani tamarmi tunniusimasunik sullerissunillu sulisoqarnitsinnik ersersitsivoq, tamannalu qujamasuutigeqaarput, Bent
Salling oqarpoq, Bent Salling oqarpoq.
2024-mi suliffeqarfissuup kaaviiaartitai 1,6 milliardit koruuniupput, ukiup siuliani 1,5 milliardit koruuniullutik. 2024-mi ingerlatsinermi sinneqartoorutit 95 millionit koruuniupput, 2023-mi 48 millionit koruuniullutik.
Polar Seafood 1,4 milliardit koruuninik nammineq aningaasaateqarpoq 650 millionit koruuninillu akiitsoqarluni.
Ukioq manna sinneqartoorutit ikinnerusut
2024 suliffeqarfimmut ukiuuvoq naammaginartoq, kisianni piffissaq ungasinnerusoq eqqarsaatigalugu assigiinngitsunik pissuteqartumik aalisarnermut ajortumik sunniuteqassaaq.
Polar Seafood naapertorlugu nunat tamalaat akornanni niuerneq nalorninartorujussuuvoq, tamatumalu saniatigut Kitaani raajartassat tamakkiisumik pisarineqarsinnaasut amerlassusaat appariartupiloorsimapput.
Aalisarneq pillugu inatsisip nutaap nalunaarutillu tamatumunnga tunngasut pissutaallutik 2025-mili angusat ikinnerussapput.
Akileraarutit ilanngaatiginagit ikinnerussuteqarlunilu piginneqataaffiit ilanngunnagit sinneqartoorutit ukioq manna pingajorarterummik appariarlutik 2023-misut amerlatigilerumaartut, tassa 84 millionit koruuniussasut suliffeqarfissuup naatsorsuutigaa.
Qaleralittassat pingajorarterutaat annaaneqartut
Aalisarneq pillugu inatsisip kingunerisaanik Polar Seafoodip sinerissap qanittuani qaleralittassami pingajorarterutaat annaavai, tamannalu kilisaataatit qaleralinniat isertitaasa 40-50 procentiisa annaanerannik kinguneqarpoq.
Polar Seafoodilli Naalakkersuisut aalisarnerup piujuartitsisumik ingerlanissaa qulakkeerniarlugu TAC-mik appartitsinerat tapersersorpaa. Politikerilli raajanik aalisarsinnaanermut akitsuutinut naatsorsueriaatsip naliliiffigeqqinnissaa pisariaqartoq, tassa TAC-p annertuumik
allannguiffigineqartarneranut malinnaatilerlugu, taamaasillunilu ingerlatsiviit isertitaannut toqqaannaq sunniuteqalersinneqarsinnaasoq suliffeqarfissuaq isumaqarpoq.
- Aalisarnermik ingerlatsineq nalorninartorsiorfinnik ulikkaarpoq. Pinngortitap pilersitaanik nalorninartorsiornerit uagut apeqqusinngilagut, eqqarsarnartoqartipparpulli 2025-mi aalisariutaatilinnut sulisuinullu aningaasaqarnikkut nalorninartorsiorneq politikkimit pilersitaammat, taamatuttaarlu siunissaq qaninneq ungasinnerusorlu eqqarsaatigalugit nunatta aningaasaqarneranik innarliissalluni, Bent Salling oqarpoq.
500 mio. kr. sinnerlugit aningaasarsianut atorneqartut
2024-mi angusat pitsaasut Polar Seafoodip Kalaallit Nunaata aningaasaqarneranut malunniutilimmik tapersersuisimaneranik ersersitsivoq.
Polar Seafoodip sulisui 528 millionit koruuninik akissarsitinneqarsimapput, aalisartullu avataaneersut 411 millionit koruuninik akissarsisinneqarsimallutik. Taakku saniatigut suliffeqarfissuup 175 millionit koruunit aalisarsinnaanermut Namminersorlutik Oqartussanut akiliutigai.
- Nuannaarutigaaralu ataatsimoorluta taamatut pitsaasumik angusaqarnerput. Siullertut, uagutsinnullu pingaaruteqartumik, sulisutsinnut suliffinnik suliffeqarnermullu qulakkeerinnittunik pilersitsivugut.
- Angusattalu pitsaasup malitsigisaanik akileraaruteqarnitsigut aamma tamavitta atugarissaarnitsinnut tapeeqataalluta. Naggataatigut, minnerunngitsumilli, aningaasarsiornerput qujamassuutigaarput, taamaasillutami siunissami aalisarnerup ingerlaannarnissaanik qulakkeereqataassagatta.
- Akissarsianut, avataaniit aalisartunut akiliutigisartakkatsinnut aammalu aalisarsinnaanermut akiliutaasartut akilereernerini sinneqartoorutitsinniit sinneruttut, suliffeqarfitsinni aningaasaliissutitut atorneqartarput, Polar Seafoodimi pisortaanerup aappaa Miki Brøns, oqarpoq.
