- Qallunaat nunaanni
politeeqarfiit politiinngorniarfillu Kalaalit Nunaannut
sanillersuutissagaanni Kalaallit Nunaata ileqquusumik arnanik
tigooqqaanissartik pikkoriffiginerusaraat, politiit pisortaat Bjørn
Bay oqarpoq.
Taamaattumik Kalaallit
Nunaanni arnat politiitut uniformillit takornartaanngillat.
- Qallunaat nunaanni
politeeqarfiit politiinngorniarfillu Kalaalit Nunaannut
sanillersuutissagaanni Kalaallit Nunaata ileqquusumik arnanik
tigooqqaanissartik pikkoriffiginerusaraat, politiit pisortaat Bjørn
Bay oqarpoq.
Taamaattumik Kalaallit
Nunaanni arnat politiitut uniformillit takornartaanngillat.
Ukiuni 50-ini kingullerni
arnat politiini sulisimasut, Kalaallit Nunaanni Politiit arnat
politiitut ilinniarsimasunit naalagaaffeqatigiinni amerlanerpaallutik
sulisuusut, tassa 26 procentit missaanniittut, naalagaaffiup
sinnerani 21 procentiusut politiit pisortaat oqarpoq.
Kisitsisilli takutippaat
politiit sisamararterutaat arnaasut, taamaattumik inuiaqatigiinni
politiini angutit arnallu amerlaqatigiittut suli
oqaatigisinnaanngilarput.
Kisianni titarneq
kigaatsunnguamik eqqortup tungaanut ingerlavoq.
Ilinniartut
ikittuinnaasarneri eqqarsaatigalugit, nalinginnaasumik tallimaniit
arfineq-pingasut akornannittut, pissusissamisoorluinnartoq arnat
amerlanerusut politiitut ilinniarnissamut qinnuteqartarnissaat,
tamannami inuiaqatigiit aaqqissuussaanerannik pissuteqartoq Bjørn
Bayip tikkuarapaa:
- Maani Kalaallit Nunaanni
tupinnaannartumik arnat piginnaasaqarluartut nukittuullu
ilinniagaqarluartut amerlaqaat.
Politiinngorniassagaanni
meeqqat atuarfianiit allamik ilinniagaqarsimasuunissaq soorlu
assersuutigalugu GU, suliffeqarfinniluunniit misilittagaqarsimanissaq
imaluunniit ilinniagaqarsimasuunissaq piumasaqaataavoq. Nunatsinni
arnat angutinit amerlanerusut ilinniagaqarmata, inuusuttunut
ilinniarfinni qaffasinnerusumik ilinniagaqarfinniluunniit
iliniarsimasuuppata, tamanna aamma politiinut sunniuteqassaaq.
Assigiinngisitaarneq
pingaartillugu
Politiit pisortaata Bjørn
Bayip Kalaallit Nunaanni politiit sapinngisamik innuttaasunut
assingunissaat pingaartippaa.
Taamaattumik politiini
ilinnialersussani assigiinngisitaartitsinissaq siullertut
pingaartinneqartarpoq.
- Angutip arnalluunniit
suiaassusaat apeqqutaasarpoq, aammattaarli naggueqatigiit
inuiaqatigiinnilu tunuliaqutaq apeqqutaapput. Ukiunilu kingullerni
10-20-ni assigiinngitsorpassuarnik tunuliaqutalinnik
sulisussarsiortarnerput pitsaanerulersimavoq, oqarpoq.
Angutit siornatigut
politiinngorniarusunnerusartut Bjørn Bay nassuiaavoq.
- Politiit (qullernik
tungujortunik ikittaartuniit pissanganartulerinernillugu) suliaat
allaanerulluinnartoq ersersinniarlugu iliuuseqarnerusinnaalerpugut,
Bjørn Bay oqarpoq, aamma pinaveersaartitsineq, misissuineq,
aningaasatigut pinerlunnerit meeqqanillu videokkut killisiuineq
eqqaavai.
- Ullumikkut politiitut
suliassat siammasissorujussuupput, taamaattumillu inuusuttut
amerlanerusut suiaassuseq apeqqutaatinnagu
sulerusussuseqalersimallutik. Aamma angutit arnallu siornatigut
pissarsiarisinnaanngisagut, politiit pisortaat oqarpoq.
Qatserisartut
illersornissakkullu sulisutut assigalugit politiit siornatigut
angutinit sulisoqarnerupput. Kigaatsunnguamilli
allanngoriartuaarsimasoq Bjørn Bayip oqaatigaa.
- Tamanna inatsisilerituut
akornanni takusinnaaleqqaarparput. Ukiut 40-t matuma siorna
inatsisilerituut amerlanersaat angutaasimapput. Ullumikkulli arnat
amerlanerullutik, oqarpoq politiilli kisimik pisuullutik
taamaattoqanngitsoq ilanngullugu oqaatigalugu.
- Arnat sullivinni
isigineqarnerisa allanngornerat peqqutaaqataavoq, Bjørn Bay oqarpoq.
