Politiit angallataat Nuummi ikuallattoq
Ikuallattoq qaminneqareerpoq. Inuttat ilaat angallatip ikuallanneranik qamisaaniarsarinermini putsumik najuussuisimammat napparsimmaviliaanneqarpoq.
Angallat suna pissutigalugu ikuallalersimanersoq qatserisartunit maanna misissorneqartoq, Politiit pigaartuisa pisortaat Aputsiaq Hansen oqarpoq.
Assi: Malik Johnsen
Politiit angallataat ikuallattoq pingasunngornermi ullaakkut nalunaaqutaq 08.50 politiinut nalunaarutigineqarpoq. Politiit qatserisartullu ingerlaannaq ornigupput ikuallattorlu qamillugu.
- Ikuallattoq qaminneqarpoq pisorlu aqunneqalereerluni, pigaartut pisortaat Aputsiaq Hansen oqarpoq.
Inuttap ataatsip angallammiittup ikuallattoq qamisarpaa, putsumilli najuussuisimammat napparsimmaviliaanneqarpoq. Taamaattoqaraluartoq taanna ajunngilaq.
Angallatip iluani ikuallanneq pisoq politiit paasissutissiipput. Suna pissutaanersoq qatserisartunit maanna misissorneqassaaq. Politiit pisariaqartitsinermi angallat atortarpaat, ikuallanneratali kingorna atorneqarsinnaajunnaarmat allamik aaqqiissutissarsiortoqartussanngorpoq.
