AKISSARSIAT

Ane Sofie Knudsen inuusuttut silap pissusiata allanngoriartorneranut isiginnittaasiat pillugu ilisimatusassasoq

Taanna Ilisimatusarfimmi ph.d-nngorniartutut decembarip aallaqqaataani atorfinitsinneqassaaq.

Ane Sofie Knudsen ilisimatusarnermut suliniummi ‘Experiences and Perceptions of Climate Change: A View from the Next Generation (EPIC)’, (Silap pissusiata allanngoriartorneranut atatillugu misilittakkat isiginnittaaserlu: Kinguaariit tulliuttut isiginnittaasiat, aaqq.) Ilisimatusarfiup Københavnillu Universitetiata akornanni ilisimatusarnikkut suleqatigiinnermi, 2026-mi decembarip aallaqqaataaniit peqataassaaq. Suliniut Danmarks Frie Forskningsfondip Issittumi suliniutaanit aningaasalersorneqarpoq.
Saqqummersinneqarpoq

Ane Sofie Knudsen, inuiaqatigiilerinermi kandidatitut ilinniagalik, Ilisimatusarfimmi decembarip aallaqqaataaniit ph.d-nngorniassaaq.

Inuusuttut silap pissusiata allanngoriartorneranut isiginnittaasiat ilisimatusarfigissavaa.

Ane Sofie Knudsen, inuiaqatigiilerinermi kandidatitut ilinniagalik, Ilisimatusarfimmi decembarip aallaqqaataaniit ph.d-nngorniassaaq.

Inuusuttut silap pissusiata allanngoriartorneranut isiginnittaasiat ilisimatusarfigissavaa.

- Ph.d-mik suliaqarninni kalaallit meeqqat atuarfiini atuartut namminneq isiginnittaasiat aallaavigalugu silap pissusiata allanngoriartorneranik misigisaat paasinnittaasiilu immikkut sammissavakka, Ane Sofie Knudsen Sermitsiaq.AG-mut oqarpoq.

Ilaatigut meeqqat inuusuttullu avatangiisiminni silap pissusiata allanngoriartornera qanoq paasisinnaaneraat, aamma ulluinnarni inuunertik, najukkaminni inuiaqatigiit pinngortitamullu attaveqarnertik paasinninnerminnik qanoq sunniuteqartartut soqutigai.

Ph.d-nngorniarnera Ilisimatusarfiup Københavns Universitetillu ilisimatusarnikkut suleqatigiinnerannut ‘Experiences and Perceptions of Climate Change: A View from the Next Generation’-imut (EPIC) (Silap pissusiata allanngoriartorneranut atatillugu misilittakkat isiginnittaaserlu: Kinguaariit tulliuttut isiginnittaasiat, aaqq.) ilaavoq. Tamatuma saniatigut Pinngortitaleriffik nunatsinnilu UNICEF suliniummi suleqatigineqarput.

Ane Sofie Knudsenip, kingullermik Ilulissani Perorsaanermik Ilinniarfimmi AC-fuldmægtigitut atorfeqarsimasup, ulloq suliffissani siulleq qilanaaraa.

- Ilinniarnerma sulisarnerallu nalaanni ilisimatuussutsikkut suliaqarneq ilisimatusarnerlu soqutigilluarpakka, taakkulu anguniarusuppakka.

- Ilisimatusarnermik annertunerusumik suliaqarnissamut periarfissaqalernera, tamatumalu saniatigut inuiaqatigiinni ilisimatusarnikkut ilisimasanik tunngavilinnik ineriartortitsinissamut peqataasinnaalernera tulluusimaarutigeqalugulu qilanaareqaara, taanna oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS