Politiit qujassuteqarput 

Nuup eqqaani Quassussuarmi inuk ernumagineqartoq pillugu sapaatiummat ualikkut nalunaaqutaq 15.03 Kalaallit Nunaanni Politiit nalunaarfigineqarput.

Angut ajunngitsoq nassaarineqartoq pigaartut pisortaat Jeppe Andsager ataasinngornermi ullaakkut nalunaarpoq, tassungalu atatillugu ima qujassuteqarpoq:

- Ujaasinitta nalaani ikiuuttunut qujarujussuarpugut, pigaartut pisortaat oqarpoq.

Politiit qatserisartullu ujaasineranni innuttaasunit arlalinnit ujaasiffiusumiittunit piumassuseqarluartunit ikiorneqarsimasut taanna oqaluttuarpoq.

- Inuk taanna ajunngitsoq nassaarineqartoq paasitikkusupparput, Jeppe Andsager oqarpoq.