Politiit suliaq toqutsisoqarsimasutut misissuiffigigaat

Nuummi Ceresvejimi inissiat ilaat sapaatit akunnerata siuliani sisamanngornermi assersorneqarpoq, politiillu inuk toqungasoq nassaarineqarsimasoq sisamanngornermi unnukkut nalunaarutigaat.

Arnaq 44-nik ukiulik toqungasoq nassaarineqarsimasoq politiit ataasinngornermi ualikkut nalunaarutigaat.

Angut 29-nik ukiulik, eqqartuussivimmi sisamanngornermi unnukkut sassartinneqarluni ulluni 28-ni tigummigallarneqartoq, toqutsisimasutut maanna unnerluutigineqartoq politiit aamma allapput.

AAMMA ATUARUK

NSK-p pinerluttoqarsimanermut misissuisartui Nuummiittut

Politiinit Malik Sandgreen pisimasoq pillugu ima oqarpoq:

- Kalaallit Nunaanni Politiit misissuinerminni pinerluttoqarsimatillugu toqusullu timaannik misissuisartut Danmarkimiit ikiuukkiartoqqullugit tikisippaat. Sumiiffimmi misissuinerit naammassipput, misissuinerli suli ingerlalluni.

Politiit misissuineq suli ingerlammat suliaq pillugu maanna oqaaseqarsinnaanngillat.