Politiit ullormut ulapaarsimaqisut
Politiit tallimanngorneri suliassat angummaffiginiarlugit ikiortissaminnik suliartoqqusisariaqarsimapput.
Politiit nakuusernerit, angerlarsimaffinni eqqissiviilliornerit, imigassartorsimaneq pissutigalugu pisut, aqqusinermi eqqissiviilliornerit imminullu toqunnissamik sioorasaarisumut ornigupput.
Assi: Oscar Scott Carl
Nunatsinni sumiiffiit ilaanni tallimanngornerup arfininngornerullu unnuaani eqqissiviilliortoqarsimavoq.
Kalaallit Nunaanni Politiineersoq Carl Sværd oqarpoq.
- Ulapissimaqaagut. Suliassat angummaffiginiarlugit ikiortissatsinnik suliartoqqusisariaqarsimavugut, oqarpoq.
Tallimanngorneq pisarnermit ulapaarfiunerusimavoq.
Nakuusernerit, angerlarsimaffinni eqqissiviilliornerit, imigassartorsimaneq pissutaalluni pisut, aqqusinermi eqqissiviilliornerit imminullu toqunnissamik sioorasaarisumut politiit ornigupput.
Arlallit nakuusersimasutut tigusarineqarsimapput, ilaatigut Tunumi Ilulissanilu. Eqqartuussivimmulli sassartitsisoqassanngitsoq pigaartut pisortaat ilisimatitsivoq.
