Qalerualinniat Aalisagarniallu Kattuffiata (QAK), aalisarnermut
inatsisip nutaap Inatsisartuni akuersissutigineqarnera
naammagisimaarutigaa:
- Kiisami aalisarnermut
inatsit nutaaq akuerineqarpoq, taannalu ukiuni arlalinni
suliarineqareerluni naammassivneqarpoq, QAK-p siulittaasua Henrik
Sandgreen oqarpoq.
Qalerualinniat Aalisagarniallu Kattuffiata (QAK), aalisarnermut
inatsisip nutaap Inatsisartuni akuersissutigineqarnera
naammagisimaarutigaa:
- Kiisami aalisarnermut
inatsit nutaaq akuerineqarpoq, taannalu ukiuni arlalinni
suliarineqareerluni naammassivneqarpoq, QAK-p siulittaasua Henrik
Sandgreen oqarpoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Sinerissap qanittuani
raajarniartut, umiatsiaararsortut annerusunik angallatillit
qaleralinniat, assagiarsunniat, saarullinniat kitaata sineriaani aalisartut QAK-imi ilaasortaapput, Tunumili suli ilaasortaqanngilaq.
Aalisarnermi
aningaasaliinissamut erseqqissunik sinaakkuteqalernissaq,
aalisarnermi pisuussutinik aqutsinerm piujuartitsinermut
qulakkeerutaasunik, pisassiissutinik niuerutigineqarsinnaasunik
nammineq pigisanik aaqqissuussineq (PNNP) QAK-imit
anguniagarineqarput.
– Kattuffittut
aalisarneq imminut napatissinnaasoq anguniagaraarput,
nuannaarutigaarpullu qaleralinniarnermi PNNP-imik aaqqissuussinermik
atuutilersitsisoqassammat, taakkumi aningaasaliisunut
qularnaveeqqusiissutaasinnaapput.
-Aningaaserivinnut aalisarnermut
aningaasaliiniartunut ersarissunik sinaakkuteqalerpoq. Inatsimmittaaq
erseqqissarneqarpoq aalisarnerup piujuartitsisuunissaa
aningaasatigullu imminut napatissinnaanissaa, aalisarnermik
soqutigisallit aalajangeeqataasinnaanngorlutik. Aalisakkanik
assigiinngitsunik atorluaanissamik
pilersaarusiortoqarsinnaanngorlugu, Henrik Sandgreen oqarpoq.
Raajarniutit
nutarterneqarnissaat pisariaqartoq
Sinerissap
qanittuani raajarniat piujuartitsineq unammillersinnaanerlu
qulakkeerniarlugit nutarsaanissartik pitsanngorsaanissartillu
pisariaqartippaat, QAK-p aalisarnermut inatsimmut tusarniaanermut
akissutaani allassimavoq.
Aalisarnermut inatsisissami sinerissap
qanittuani raajarniartut pisatik angallammini
tunisassiarisinnaanngorpaat, taakkulu 30 procentii ukiut tallimat
ingerlaneranni tulaattartussanngorlugit.
–
Sinerissap qanittuani aalisariutit pisoqaavallaalersimapput
nutarterneqartariaqarlutillu, aalisarnermit kaaviiaartitaat
tunngavigalugit nutarterinissamut maanna akissaqanngillat.
- Maannalu
aalisartut angallatini kilisaatiniluunniit
tunisassiorsinnaalersillugit. Tamanna avammut tunisaqarnermi
isertitaqarnerulernermik kinguneqassaaq, soorlu avataani
raajarniarnermi avammut tunisaqarnermikkut
isertitaqartarnerusarnerattut. Sinerissallu qanittuani raajarniat
kiffaanngissuseqarnerulissapput, siulittaasoq oqarpoq.
Grønlandsbanken
aalisarnermi inatsisip akuersissutigineqarnerata kingorna
aalisarnermut aningaasaliinissamut piareersimalluni
nalunaaruteqarpoq.
Sisa Pensionilli raajarniarnermi
qaleralinniarnermilu pisassiissutit ukiuni qulini atuuttussani,
saattuarniarnermilu ukiuni tallimani atuuttussani
aningaasaliiniarnermi qulakkeeruteqarnissaq paasiniaqqaarusuppaa.
-
Inatsisit sinaakkutissaat tunngavigalugit aningaasaliisartut
namminneq nalilersussavaat aalisarnermut aningaasaliiniarnerlutik,
Henrik Sandgreen oqarpoq.
75 procentit pillugit
najoqqutassiaq
Pisassiissutit
minnerpaamik 75 procentii ukiumut aalisarneqassasut inatsimmi
piumasaqaataavoq, QAK-imit tamanna akerlerineqarpoq, tusarniaanermilu
akissumminni piumasaqaatip atorunnaarsinneqarnissaa piumasaralugu.
–
Aalisartut kiffaanngissuseqarnerannut innarliivoq, pisassiissutit
tamakkerneqarsinnaannginnerannut assigiinngitsunik
pissuteqarsinnaammat.
-Inatsisissami piumasaqaataavoq ukiumut
pisassiissutit 75 procentii ukiut pingasut ingerlaneranni
aalisarneqassasut, taamaanngippat pisassiissutit
arsaarneqarsinnaapput, siulittaasoq oqarpoq, tamannalu aalisartunut
allaffissornikkut suliassarpassuaqalersitsissaaq,
-
Assersuutigalugit
assagiarsuit
pisariuminaalliartuinnarput taamannalu pisassiissutit
tamakkernissaannik ajornakusoortitsivoq. Aalisartullu
ukiumut pisassiissutit tamakkerlugit aalisarsinnaannginnertik
uppernarsarniarlugu nassuiaasarnissamut
suliakkersorneqartussanngorput,
Henrik Sandgreen oqarpoq.
