Qeqqata Kommuniani pisortatut atorfilik politiinut tunniunneqartoq
Qeqqata Kommuniani, Sisimiuni pisortatut atorfilik soraarsinneqarpoq politiinullu tunniunneqarluni. Tamanna Kalaallit Nunaanni Politiit Qeqqata Kommuniatalu Sermitsiamut uppernarsarpaat.
Assiliisoq: Leiff Josefsen
Qeqqata Kommuniani pisortaq kommunimit politiinut tunniunneqarpoq. Tamanna Qeqqata Kommuniani kommunimi pisortaanerup Sermitsiamut uppernarsarpaa.
- Qeqqata Kommuniani pisortaq soraarsinneqarsimasoq uppernarsarsinnaavara. Soraarsitsineq juullip ukiortaallu akornanni pivoq. Sulisorli pineqarmat, soraarsitsinerup peqqutaa annertunerusumik oqaaseqarfigisinnaanngilara, kommunimi pisortaaneq oqarpoq.
Pisortaq politiinut tunniunneqarsimasoq, suliarlu politiinut suliarineqartoq pisortaanerup ilanngullugu oqaatigaa.
Sooq pisortaq politiinut tunniunneqarsimanersoq kommunimi pisortaanerup pisortatigoortumik oqaatigisinnaanngilaq.
- Pisortaq politiinut tunniussimallugu uppernarsarsinnaavara, suliarlu oqartussaasunit suliarineqarpoq.
Kalaallit Nunaanni Politiit tamanna aamma uppernarsarpaat:
- Qeqqata Kommunianit nalunaaruteqartoqarsimasoq Kalaallit Nunaanni Politiit uppernarsarsinnaavaat. Sulialli qnaoq imaqarnera uppersarsinnaannnngilarput, suliaq suli misissuiffigineqarmat, Kalaallit Nunaanni Politiit allapput.
