Qiiaammernerit tamaanga killeqarput
Ittoqqortoormiini naluttarfik kiassaammik pumpemik ingerlasumik peqalerpoq.
Ittoqqortoormiini naluttarfik meeqqat aasaanerani aliikkutarilluartagaat pingaaruteqartuuvoq.
Privat
Ittoqqortoormiini
meeqqat aasaanerani atuanngiffeqarnermi illoqarfiup naluttarfianut pissikkunik,
imermut kissassikkamut nunani kujallerni naluttarfiit kissartiginerattut
kissartigisumut pississapput — sungiusimasaattut immatulli
nillertiginngitsumut.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit siunissami taamaallaat
atuarneqarsinnaajumaassapput.
Atuarluarna.
Naluttarfik
2019-imi atulersinneqarsimasoq, siorna ukiakkut ukiup naluttarfiusup
naanngilaarnerani kiassaammik pumpemik ingerlasumik ikkussuiffigineqarpoq.
- Kiassaat
pumpemik ingerlasoq umiarsuarmut kingullermut ilaalluni siorna septembarimi
tikippoq, taamaattumik suli tamakkiisumik atorneqarnikuunngilaq, taamaattumillu
kiassusaa aalajangerneqarnikuunngilaq, imali kissartigissasoq
neriorsuisinnaavunga, kikkut tamarmik – allaat meeqqat qiiattornerpaasartut –
naluttarfik nuannaarutigisinnaassagaat, Charlotte Pike, Ittoqqortoormiini
Kulturimut Sunngiffimmilu sammisassanut immikkoortortaqarfimmi pisortaq,
oqarpoq.
-
Aasaanerani atuanngiffeqarnermi meeqqanut angalasinnaanngitsunut naluttarfik
neqeroorutaavoq pitsaasoq. Meeqqat nalunneq inuunermillu annaassiniaaneq aamma
ilinniarsinnaavaat – ikinngutinillu peqateqarneq inuttut attaveqatigiinnermut
iluaqutaasarpoq.
Nannut
navianartorsiornartut
- Arferup
Kangerluani, illoqarfimmit 3 kilometerisut ungasitsigisumiittumi, kusanartumik
sioqqanit sissaqarpoq. Nannulli navianartorsiortitsipput, aamma anaanap
ataatallu sulinerini meeqqat tassunga ornigussinnaaneq ajorput, Charlotte Pike
ilisimatitsivoq.
Kiassaat
pumpemik ingerlasoq 20.000 koruuningajannik akeqarsimavoq. Aningaasat taakkua
affaat Lions Club Løgstørip aamma affaat Lions Club Internationalip Kalaallit
Nunaannut ataatsimiititaliaanit akilerneqarput.
- Betonimik
natilersuinissamut aningaasat atorneqassapput, naqqa ujaraaqqanik qalligaanani
narlusuujuniassammat, Charlotte Pike oqarpoq.
Peqqissaasoq
Benedicte Buren Løgstørimeersoq, arlaleriarluni Ittoqqoortoormiit
napparsimmaviani sulisarsimasoq aqqutigalugu, Ittoqqortoormiit Lions Club
Løgstørillu suleqatigiinnerat ingerlanneqarpoq.
Ittoqqortoormiini
naluttarfimmik ingerlatsineq Kommuneqarfik Sermersuumit akilerneqarpoq.
