Issittup ilaani inuit marluk nannumit malersorteqqammerput. Angutip nannumit malersortilluni – siullermik arpalluni kingornalu qamuteralamminik – qimaapiluuleruttornerani mobilimik immiussaq inoqatinut attaveqaatini arlalinni siammarterneqaqattaarpoq.
Nannup angut malersukkani qamuteralannik sukkalisaarluni qimaapilooreeraluartoq suli tassa upanniarsariniaraluarpaa. Taama pisoqanngitsiartoq angutip nannumit malersortittup malersortigisani arlaleriarluni issussimagaluaraa, norskit nutaarsiassaqartitsiviat NRK.no allappoq.
Issittup ilaani inuit marluk nannumit malersorteqqammerput. Angutip nannumit malersortilluni – siullermik arpalluni kingornalu qamuteralamminik – qimaapiluuleruttornerani mobilimik immiussaq inoqatinut attaveqaatini arlalinni siammarterneqaqattaarpoq.
Nannup angut malersukkani qamuteralannik sukkalisaarluni qimaapilooreeraluartoq suli tassa upanniarsariniaraluarpaa. Taama pisoqanngitsiartoq angutip nannumit malersortittup malersortigisani arlaleriarluni issussimagaluaraa, norskit nutaarsiassaqartitsiviat NRK.no allappoq.
Svalbardimi pivoq.
– Qujanartumik qamuteralaatini ikumatiinnarsimagamigit, taamaaliorsimanngitsuugunimi qimaalertorsimasinnaanavianngikkaluarpoq.
Svalbardimi nannut 3.000-ussangatinneqarput – tassa qeqertaap taassuma inuininngarnit amerlanerupput. Pisoq Svalbardimi politiinut nalunaarutigineqareerpoq.
Sisorartoq
Nunavumi nannut ilaat aamma uivertitsilaavissorpoq. Nunavumimi nunami allanngutsaaliukkami Auyuittuq Nationalimi sisorartoq nannumit apriilip ulluisa 24-anni upanneqarluni ikiligaavoq.
Tamatuma kingorna ikiueqqaarfigineqareerami inuit allallu Pangnirtung Health Centremut qamuteralaanneqartut, nutaarsiassaqartitsivik Yukon News allappoq.
Silami ersernerlummat qulimiguulimmik aaneqarsinnaasimanngillat. Nannumit upanneqarluni ikiligaasoq Pangnirtung Health Centremi misissorneqarlunilu passunneqareerami angerlartoq, Parks Canada ilisimatitsisoq Yukon News allappoq.
Nanoq upannittoq innuttaasut isumannaatsuunissaat qulakkeerumallugu toqunneqartoq, Nunavumi oqartussat oqaatigaat.
Upanneqarluni ikiligaanini toqqutigigai
Nunavup avannarpasissortaani Brevoort Islandimi alianartumik pisoqarsimasoq, tassa tamaani kalerrisaarivimmi sulisut ilaat suliffimmi silataaniitilluni nannunit marlunnit upanneqarsimasoq, BBC-imit 2024-mi aggustimi nalunaarutigineqarpoq.
Nannunit upanneqartumut suleqataasut tuaviinnaq ikiuukkiartoramik nannup saassussisup aappaa toqussimavaat, aappaalu qimaasimalluni. Angutilli upanneqartup ikiligaanini ajoraluartumik toqqutigai.
Nannunik Kalaallit Nunaanni inoqarfinnut ukioq manna aamma qanillattortoqalaavippoq. Tyskermi Tyskermi ilisimatusartoq Trailliup Immikkeertivini nannumit (Taill Ø) siorna aasakkut upanneqarpoq, ajoquseraluarlunili qujanartumik aniguivoq timmisartumillu kingorna Islandimi napparsimmaviliaanneqarluni.
