Qinngutsinni aqquserngit arlallit taaguuserneqarput
Nuummi aqquserngit tallimat taaguuserneqarnissaannut Sumiiffiit Aqquserngillu Taagutaannik Siunnersuisoqatigiit siunnersuuteqarput
Foto: Leiff Josefsen
Nuummi Qinngutta kujasinnerpaartaani immikkoortumi nutaami aqquserngit sisamat nutaat taaguuserneqartussanngorput.
Immikkoortoq Ningitsivimmik taaguuteqassaaq, tassungalu taaguummut immami piniutinut tunngasunut attuumassuteqartunik aqqusernit taaguuserneqassapput.
Ningitsiviup immikkoortortaqarfia aqquserngillu sisamat nutaat tungujortumik, qorsummik, sungaartumik orangemillu qalipaateqarput.
Kommuneqarfik Sermersooq
Aqquserngit taaguuteqassapput Qimiaa, Siutaq, Qissarut aamma Nissik.
Iliveqarfiup tungaanut aqqusineq alla Isuliffimmik taaguuserneqarpoq.
Marlunngornermi maajip 21-ani ataatsimiititaliap ataatsimiinnissaanut Sanaartornermut Avatangiisinullu Ingerlatsivik taaguutinik aalajangiinissamut siunnersuuteqarpoq.
