Rubio Trumpip Kalaallit Nunaannik kissaateqarnera pillugu: Piaarinerunngilaq
Radiokkut apersorneqarnermini USA-p nunanut allanut tunngasunut ministeria erseqqissaatigaa Trumpip Kalaallit Nunaannik pisiariniarluni kissaateqarnera piaarinerunngitsoq.
USA-p nunarsuarmi ministeria Marco Rubio sisamanngornermi radiokkut oqaloqatigineqarluni oqarpoq Trumpip Kalaallit Nunaat pisiarinialikkani quiasaarutaanngitsoq.
Assiliisoq: Elizabeth Frantz/Reuters
USA-p præsidentiata Donald Trumpip Kalaallit Nunaat pisiariniarlugu oqarnini pimooruppaa.
USA-p nunanut allanut tunngasunut ministeria Marco Rubio SiriusXM Radiomut sisamanngornermi oqarpoq.
- Piaarinerunngilaq, nunanut allanut tunngasunut ministeri tusagassiorfimmut oqarpoq.
USA-lli Danmarkimut sakkutuulersulersinnaaneranut siorasaarinera mianersuunnerusumik nalilerneqarsinnaasoq aamma oqaatigaa.
Trumpilli niuernikkut periaasiatut nassuiarpaa erseqqissarlugulu USA-p Danmark illersornissaq pillugu isumaqatigiissuteqarfigigaa, tassa Kalaallit Nunaat saassunneqarpat illersortussaassallugu.
- Taamaaliortussaareerutta, taava pisunut aqutsisuusinnaasariaqarpugut, oqarpoq.
Marco Rubiop apersorneqarnermini aamma qallunaat ministeriunerata Mette Frederiksenip Trumpillu oqarasuaatikkut oqaloqatigiinnerat eqqartorneqarpaa — The Financial Timesimi kingusinnerusukkut allaaserineqarpoq „oqaloqatigiinnerat sakkortusimasoq“.
Rubiop erseqqissarpaa siuttut taakku marluk oqaloqatigiinneranni najuussimanani, oqaluttuarlunili Trumpip inuit “oqaloqatigigaangamigit toqqaannartumik unneqqarissumillu” oqaluuttarai.
- Nunat tamalaat akornanni isumatusaartumik suleqatigiinneq pitsaanerusarsoraara toqqaannartumik unneqqarissumillu oqaloqatigiittoqartillugu, paatsoorneqaratarsinnaanermik oqaluttoqartinnagu, SiriusXM Radiomut oqarpoq.
Nassuerutigaali pissutsit iliuuseqarfigineqarnerat „pitsaanerusumik iliuuseqarfigineqarsinnaagaluartut“.
- Pisut annerpaartaat tamanut ammasumik oqaluuserineqakulapput, tamannalu iluaqutaanngilaq, illuatungeriissummi nunami namminermut tunngasutigut pitsaanngitsumik inissittarput.
Mette Frederiksenip arlaleriarluni qallunaat tusagassiorfiinut erseqqissarsimavaa Trump tamanut ammasumik oqaloqatigiumanagu.
Kinamiut Kalaallit Nunaanni sunniiniarnissaat USA-p nunanut allanut ministeriata aarleralugu oqaatigaa.
Rubiop aarleqqutigaa Kinamiut „Kinamiut suliffeqarfiutaannik“ aallartitaqarlutik Issittumiilersinnaasut.
- Akerleriittoqalerpalli sakkutuut umiarsuaat umiarsualivimmut aallartissinnaassavaat tassaniillu sakkutuut sulisinnaassallutik.
/ritzau/AFP
